మలయాళంలో విజయవంతమైన 'దృశ్యం 2' తెలుగులోనూ అదే పేరుతో తెరకెక్కుతోంది. ఇందులో వెంకటేశ్, మీనా ప్రధానపాత్రల్లో నటిస్తున్నారు. చిత్రీకరణ ఇటీవలే ప్రారంభించగా.. సినిమాలో వెంకటేశ్ పాత్రకు సంబంధించిన షూటింగ్ను పూర్తి చేసుకున్నట్లు చిత్రబృందం ఈ మధ్యే ప్రకటించింది. ఈ క్రమంలోనే ఈ రీమేక్ను కరోనా ఉద్ధృతి కారణంగా ఓటీటీలో రిలీజ్ చేసేందుకు సన్నాహాలు జరుగుతున్నాయని జోరుగా ప్రచారం సాగుతోంది. మే లేదా జూన్లో స్ట్రీమింగ్ కానున్నట్లు వార్తలు వస్తున్నాయి.
తాజాగా దీనిపై స్పందించిన ఈ చిత్ర నిర్మాతల్లో ఒకరైన సురేశ్ బాబు.. ఇవ్వన్నీ పుకార్లేనని కొట్టిపారేశారు. సినిమా మొదటగా థియేటర్లోనే విడుదలవుతుందని, ఆ తర్వాత ఓటీటీలో రిలీజ్కు సిద్ధమవుతుందని స్పష్టం చేశారు.
మాతృకను తెరకెక్కించిన జీతూ జోసెఫ్ ఈ రీమేక్కూ దర్శకత్వం వహిస్తుండడం విశేషం. సురేశ్ ప్రొడక్షన్స్ ఈ సినిమాను నిర్మిస్తోంది. వెంకటేశ్ ప్రస్తుతం 'ఎఫ్ 3' చిత్రీకరణలో బిజీగా ఉన్నారు. ఆయన ప్రధానపాత్రలో తెరకెక్కిన 'నారప్ప' చిత్రం త్వరలోనే ప్రేక్షకుల ముందుకు రానుంది. మరోవైపు తరుణ్ భాస్కర్ దర్శకత్వంలో ఓ సినిమాకు వెంకీ గ్రీన్సిగ్నల్ ఇచ్చినట్లు టాలీవుడ్లో గుసగుసలు వినిపిస్తున్నాయి.
ఇదీ చూడండి : 'దృశ్యం 2' షూటింగ్ పూర్తి చేసుకున్న వెంకీమామ!
