మెగాస్టార్ చిరంజీవి.. 'సైరా'తో ప్రస్తుతం బాక్సాఫీస్ దగ్గర అలరిస్తున్నాడు. సినిమాపై ఇప్పటికే ప్రముఖుల నుంచి ప్రశంసలు వెల్లువెత్తుతున్నాయి. బుధవారం.. హైదరాబాద్లో చిత్రబృందాన్ని సన్మానించారు ప్రముఖ సినీ నిర్మాత, రాజకీయ నాయకుడు టి.సుబ్బిరామిరెడ్డి. అనంతరం చిరంజీవిపై పొగడ్తలు కురిపించారు.
"చిరంజీవికి 150 చిత్రాలు ఒకెత్తయితే.. 'సైరా' మరో ఎత్తు. స్వాతంత్ర్య సమరయోధుడు ఉయ్యాలవాడ నరసింహారెడ్డి జీవిత కథను తీసుకుని తన సత్తా చూపించారు. ఇలాంటి కథను ఎంచుకోవడమే పెద్ద సాహసం. చిరంజీవి అలాంటి సాహసం చేసి సక్సెస్ అయ్యారు. ఇలాంటి సినిమాలు ఇంకెన్నో రావాలి. తెలుగు సినిమా స్థాయి ఏంటో ప్రపంచానికి చాటి చెప్పాలి" -టి.సుబ్బిరామిరెడ్డి, ప్రముఖ నిర్మాత, వ్యాపారవేత్త
ప్రస్తుతం థియేటర్లలో విజయవంతంగా ప్రదర్శితమవుతోందీ సినిమా. యూఎస్లో ఇప్పటికే రెండు మిలియన్లకు పైగా కలెక్షన్లు సాధించింది. ఈ చిత్రంలో నటించిన అమితాబ్ బచ్చన్, కిచ్చా సుదీప్, తమన్నా, విజయ్ సేతుపతి, నయనతార, జగపతి బాబు.. తమ అభినయంతో ప్రేక్షకుల్ని కట్టిపడేశారు.
ఇవీ చదవండి:
