బొబ్బిలి రాజా.. విక్టరీ వెంకటేశ్కు కెరీర్లో గుర్తుండిపోయే విజయాన్ని అందించిన సినిమా. తెలుగు పరిశ్రమకు ఓ మరపురాని బాపుబొమ్మను పరిచయం చేసింది. ఆమెనే దివ్య భారతి. అయితే ఈ చిత్రంలో అనుకోకుండా ఆమెకు అవకాశం దక్కింది. అది ఎలా అంటే?
తెరపై వాలిన తార..
'బొబ్బిలి రాజా'తో దివ్య భారతి పరిచయమైందంటే అందుకు కారణం ప్రముఖ రచయిత పరుచూరి గోపాలకృష్ణ. అందం, పొగరు కలగలపిన సినిమాలోని పాత్రకు నటి రాధను తొలుత తీసుకుందామని అనుకున్నారు నిర్మాత రామానాయుడు. ఆ తరహా పాత్రలు రాధ అప్పటికే చాలా చేయడం వల్ల కొత్త హీరోయిన్ అయితే బాగుంటుందని పరుచూరి భావించారట.
దాంతో రామానాయుడు తన వద్ద ఉన్న కొందరి ఫోటోలను ఇచ్చి గోపాలకృష్ణనే ఎంపిక చేయమన్నారు. దివ్యభారతిని చూసిన ఆయన.. ఓ అమ్మాయి ఫొటోను చూపించి, ఆమె అయితే పాత్రకు సరిగ్గా సరిపోతుందని అన్నారట. అలా టాలీవుడ్లోకి ఎంట్రీ ఇచ్చింది దివ్య భారతి.
ఇదీ చూడండి: టుడే సోషల్ వాచ్: స్టైలిష్ లుక్స్తో అదరగొట్టిన తారలు
