తన సినిమాలతో ఎంతోమంది కొత్తవారిని టాలీవుడ్కు పరిచయం చేసిన తేజ.. ప్రముఖ దర్శకుడిగా విశేష గుర్తింపు తెచ్చుకున్నారు. చివరగా 'నేనే రాజు నేనే మంత్రి'తో హిట్ కొట్టిన ఆయన.. హీరోలు రానా, గోపీచంద్తో వేర్వేరుగా చిత్రాలు చేయనున్నారు. వీటితో పాటే తన తొలి సినిమా 'చిత్రం'కు సీక్వెల్ ఉంటుందని ప్రకటించారు. 'చిత్రం 1.1' పేరుతో తెరకెక్కనున్న ఈ ప్రాజెక్టు షూటింగ్ వచ్చే నెల నుంచి ప్రారంభం కానుంది.
స్వతహాగా కెమెరామ్యాన్ అయిన తేజ.. 2000లో 'చిత్రం'తో డైరెక్టర్గా మారారు. ఉదయ్ కిరణ్, రీమాసేన్లను హీరోహీరోయిన్లుగా, ఆర్పీ పట్నాయక్ను సంగీత దర్శకుడిగా ఈ సినిమాతోనే పరిచయం చేశారు. ఇప్పుడు దానికి సీక్వెల్ 'చిత్రం 1.1'ను తన పుట్టినరోజు సందర్భంగా ప్రకటించారు. నటీనటులతో పాటు పూర్తి వివరాలు త్వరలో వెల్లడించనున్నట్లు తెలిపారు.
