విజయ్దేవరకొండ హీరోగా తెరకెక్కిన 'పెళ్లి చూపులు' సినిమాతో అందరిచూపును అతనివైపు తిప్పుకున్నాడు దర్శకుడు తరుణ్ భాస్కర్. ఈ చిత్రం బాక్సాఫీసు వద్ద మంచి విజయాన్ని అందుకుంది. ఈ సినిమాతో జాతీయ అవార్డును అందుకుని ప్రత్యేక గుర్తింపు సొంతం చేసుకున్నాడు భాస్కర్. అనంతరం 'ఈ నగరానికి ఏమైంది' చిత్రాన్ని రూపొందించాడు. ఈ సినిమాకు మిశ్రమ స్పందనలు లభించాయి.
'మీకు మాత్రమే చెప్తా' నంటూ
దర్శకుడిగా గ్యాప్ తీసుకుని 'మీకు మాత్రమే చెప్తా' అంటూ వెండి తెరపై నవ్వులు పూయించాడు తరుణ్. ఈ సినిమాకు విజయ్ దేవరకొండ నిర్మాత‌గా వ్య‌వ‌హ‌రించాడు. 'ఫలక్నుమా దాస్', 'సమ్మోహనం' వంటి చిత్రాల్లో అతిథి పాత్రల్లో మెరిశాడు తరుణ్.
'వాట్స్ నెక్ట్స్'కు తెరదించాడు
ఈ సినిమాల తర్వాత తరుణ్కు 'వాట్స్ నెక్ట్స్' అనే ప్రశ్న అభిమానులు, సినివర్గాల నుంచి ఎదురైంది. తాజాగా ఈ ప్రశ్నలకు తెరదించుతూ.. ఎవరూ ఊహించని విధంగా అభిమానుల ముందుకు బుల్లితెర వ్యాఖ్యాతగా ఎంట్రీ ఇవ్వనున్నాడు. `నీకు మాత్రమే చెప్తా` పేరుతో ఈటీవి ప్లస్లో కనువిందు చేయనున్నాడు.
'నీకు మాత్రమే చెప్తా'
సాధారణంగా తరుణ్... నటుడిగా కంటే దర్శకుడిగా తనను తాను చూసుకోవడానికి ఇష్టపడతాడు. ఇదే విషయాన్ని పలు కార్యక్రమాల్లో చెప్పుకొచ్చాడు. ఈ కార్యక్రమంలో.... సినిమాని తెరకెక్కించేటప్పుడు ప్రతి సన్నివేశాల చిత్రీకరణలో దర్శకుడికి ఎదురయ్యే అనుభవాలను సహా ఇంకా మరెన్నో విషయాలు ప్రేక్షకులతో పంచుకోనున్నాడు తరుణ్.
ఈ కార్యక్రమం మార్చి 14నుంచి ప్రతి శనివారం రాత్రి 9గంటలకు ఈటీవీ ప్లస్లో ప్రసారం కానుంది.
- " class="align-text-top noRightClick twitterSection" data="">
ఇదీ చూడండి : ఆరేళ్ల వయసులోనే వేధింపులకు గురయ్యాను: నటి రష్మీ
