రెండు సినిమాలే తీసినా తనదైన గుర్తింపు తెచ్చుకున్నాడు దర్శకుడు నాగ్ అశ్విన్. 'ఎవడే సుబ్రహ్మణ్యం'తో విమర్శకుల ప్రశంసలు అందుకోగా, 'మహానటి'తో జాతీయ స్థాయిలో మెరిశాడు. అయితే అతడు ఇటీవలే చేసిన ఓ ట్వీట్ ఆసక్తికరంగా మారింది. ఆ 'ఏడు' చిత్రాలు హిట్ అయ్యుంటే టాలీవుడ్ దర్శకుల క్రేజ్ అమాంతం పెరిగేదని చెప్పాడు.
"ఖలేజా', 'లీడర్', 'పంజా', 'ఆరెంజ్', 'అందాల రాక్షసి', 'డియర్ కామ్రేడ్', 'ఆపద్భాంవుడు'.. ఈ ఏడు సినిమాలు బాక్సాఫీస్ వద్ద హిట్ అయ్యుంటే బహుశా టాలీవుడ్ దిశ మారిపోయేదేమో. ముఖ్యంగా 'ఖలేజా' గురించి చెప్పుకోవాలి. ఆ చిత్రం కోసం ఎంతలా కష్టపడకపోతే దర్శకుడు త్రివిక్రమ్ అలాంటి డైలాగ్లు రాస్తారు". -ట్విట్టర్లో నాగ్అశ్విన్
ప్రస్తుతం నూతన నటీనటులతో ఓ సినిమా తీసే ప్రయత్నాల్లో ఉన్నాడు నాగ్అశ్విన్. వైజయంతీ మూవీస్ బ్యానర్పై అశ్వినీదత్ నిర్మాతగా వ్యవహరిస్తున్నారు. ఈనెల నుంచే షూటింగ్ ప్రారంభం కానుంది.
ఇది చదవండి: రూ.400 కోట్లకు చేరువలో 'సాహో' కలెక్షన్లు
