అలనాటి తార శ్రీదేవి.. టాలీవుడ్ నుంచి బాలీవుడ్ వరకు దాదాపు అందరు స్టార్ హీరోలతో కలిసి నటించారు. ఈ సుందరితో కలిసి నటించే అవకాశం వస్తే ఎవరు మాత్రం వదులుకుంటారు. అయితే ఈమెతో నటించడానికి మిస్టర్ పర్ఫెక్ట్ ఆమిర్ ఖాన్ మాత్రం తిరస్కరించారట.
ఎందుకంటే?
ఆమిర్ఖాన్ తన తొలి సినిమా 'కయామత్ సే కయామత్ తక్'తోనే స్టార్ హీరో అయిపోయారు. దీంతో ఆయనకు వరుస ఆఫర్లు క్యూ కట్టాయి. ఈ క్రమంలోనే అప్పటికే స్టార్ హీరోయిన్గా ఉన్న శ్రీదేవితో కలిసి నటించే అవకాశం వచ్చింది. ఇద్దరికీ ఫొటోషూట్ కూడా చేశారు. అయితే టీనేజ్ కుర్రాడిలా ఉన్న తన పక్కన శ్రీదేవి పెద్ద వయస్కురాలిగా కనిపిస్తుందని ఆమిర్ ఆ ఆఫర్ను సున్నితంగా తిరస్కరించారట.
త్వరలోనే ఆమిర్.. 'లాల్ సింగ్ చద్ధా' సినిమాతో ప్రేక్షకుల ముందుకు రానున్నారు. కరీనా కపూర్ హీరోయిన్. నాగ చైతన్య కీలక పాత్ర పోషిస్తున్నారు. హాలీవుడ్ సినిమా 'ఫారెస్ట్ గంప్'కు రీమేక్గా ఇది తెరకెక్కుతోంది.
ఇదీ చూడండి: AAMIR KHAN DIVORCE: 'మేం సంతోషంగానే ఉన్నాం'
