బాలీవుడ్ హీరో రణ్వీర్ సింగ్‌ కథానాయకుడిగా నటిస్తున్న చిత్రం '83'. భారత క్రికెట్‌ జట్టు 1983లో ప్రపంచకప్‌ విజేతగా నిలిచిన చారిత్రక ఘట్టం నేపథ్యంలో ఈ చిత్రం రూపొందుతోంది. అప్పటి జట్టుకు సారథ్యం వహించిన కెప్టెన్‌ కపిల్ దేవ్ పాత్రలో రణ్వీర్ నటిస్తున్నాడు. ఈ చిత్రానికి కబీర్‌ ఖాన్‌ దర్శకుడు. ఇటీవలె ఈ సినిమా ఫస్ట్లుక్ను చెన్నైలో కమల్హాసన్ చేతుల మీదుగా విడుదల చేశారు. అయితే తాజాగా రణ్వీర్తో కలిసున్న దీపికా పదుకొణె లుక్నూ సామాజిక మాధ్యమాల్లో పంచుకుంది చిత్రబృందం. ఈ చిత్రంలో దీపికా... కపిల్ దేవ్ భార్య రోమీదేవ్ పాత్రలో కనిపించనుంది
తాజా లుక్లో రణవీర్, దీపికా ఒకరి కళ్లలో ఒకరు చూసుకుంటూ నవ్వుకుంటూ కనిపించారు. దీపికా కేశాలంకరణ అదిరిపోయింది. ఈ లుక్ అభిమానులను ఎంతగానో ఆకట్టుకుంటోంది.
కోలీవుడ్లో కమల్హాసన్, తెలుగులో నాగార్జున ఈ చిత్రాన్ని సమర్పిస్తున్నారు. ఇది రణ్వీర్ సింగ్‌కు తొలి త్రిభాషా చిత్రంగా నిలవనుంది. రిలయన్స్‌ ఎంటర్‌టైన్‌మెంట్స్‌ నిర్మించిన ఈ సినిమా... హిందీతో పాటు తెలుగు, తమిళ భాషల్లో విడుదల కానుంది. ఏప్రిల్ 10న ప్రేక్షకుల ముందుకు రానుంది.
ఇది చదవండి: సీనియర్ ఎన్టీఆర్ ఇంట్లో పుట్టా.. అలా నటన వైపు వచ్చా
