క్రికెట్‌ కెరీర్‌ బాగా సాగుతున్న సమయంలో వివాదాల్లో ఇరుక్కొని ఆటకు దూరమయ్యాడు శ్రీశాంత్. చాలా ఏళ్ల తర్వాత ఇటీవలే ఈ ఆటగాడిపై ఉన్న కేసు కొట్టేసింది సుప్రీంకోర్టు. అతడిపై జీవితకాలపు నిషేధాన్ని ఎత్తేసింది. ఈ సమయంలోనే మరో బంపర్‌ ఆఫర్‌ కొట్టేశాడీ కేరళ క్రికెటర్.
దేశముదురు భామతో...
ఇప్పటికే నటుడిగా రాణిస్తున్న శ్రీశాంత్.. కోలీవుడ్లో అడుగుపెట్టేందుకు సిద్ధమవుతున్నాడు. ఓ కొత్త సినిమాలో హీరోయిన్ హన్సికతో నటించనున్నాడు. ఇందులో వీరిద్దరి మధ్య రొమాంటిక్ సన్నివేశాలు కొంచెం ఎక్కువగానే ఉండనున్నాయట. హరి శంకర్‌- హరీశ్ నారాయణ్‌ ద్వయం దర్శకత్వం వహిస్తున్నారు. డిసెంబర్‌లో సెట్స్పైకి తీసుకెళ్లనున్నారని సమాచారం.
ఇంతకు ముందు అక్షర్, కెబరెట్ అనే హిందీ సినిమాల్లో నటించాడు శ్రీశాంత్. దక్షిణాదిలో 'టీమ్5' (మలయాళం), కెంపేగౌడ2(కన్నడ) చిత్రాల్లోనూ సందడి చేశాడు.
హన్సిక.. ప్రస్తుతం తెలుగులో ఓ వెబ్‌ సిరీస్‌లో నటిస్తోంది. సందీప్ కిషన్తో కలిసి నటించిన 'తెనాలి రామకృష్ణ ఎల్‌.ఎల్‌.బి' విడుదలకు సిద్ధమవుతోంది.
- " class="align-text-top noRightClick twitterSection" data="">
