బాలీవుడ్ హీరో అక్షయ్ కుమార్తో పాటు 'బచ్చన్ పాండే' బృందంపై పోలీస్ స్టేషన్లో ఓ వ్యక్తి కేసు పెట్టాడు. జైసల్మేర్లో కొవిడ్ నిబంధనలు అతిక్రమించి, షూటింగ్ చేస్తున్నారని సదరు ఫిర్యాదులో పేర్కొన్నాడు. 100 మందికి బదులు సెట్లో 200 మంది ఉంటున్నారని తెలిపాడు.
ఇందులో భాగంగా చిత్రబృందానికి కోర్టు నోటీసులు పంపింది. షూటింగ్ అనుమతి పత్రాలు తమ ముందుంచాలని పేర్కొంది. యాక్షన్ నేపథ్య కథతో తెరకెక్కుతున్న ఈ సినిమాలో జాక్వెలిన్, కృతి సనన్ తదితరులు కీలక పాత్రలు పోషిస్తున్నారు. వచ్చే ఏడాది జనవరి 26న థియేటర్లలో విడుదల కానుందీ చిత్రం.
