2018 చివర్లో అంచనాల్లేకుండా విడుదలైన 'కేజీఎఫ్', సంచలన హిట్ సొంతం చేసుకుంది. ఆ తర్వాత నుంచి రెండో భాగంపై భారీ అంచనాలు ఏర్పడ్డాయి. ఎప్పుడెప్పుడు థియేటర్లలోకి వస్తుందా? అని అభిమానులు ఎదురుచూస్తున్నారు. కానీ కొంతమేర చిత్రీకరణ, కరోనా కారణంగా నిలిచిపోయింది.
మళ్లీ ఈ మధ్యే తిరిగి షూటింగ్ మొదలైంది. ఇందులో ప్రకాశ్రాజ్ పాల్గొన్నట్లు ఫొటోలను విడుదల చేశారు. అప్పటినుంచి అతడి పాత్ర గురించి రకరకాల వార్తలు వ్యాపించాయి. తొలిభాగంలో అనంత్నాగ్ చేసిన పాత్రలో ప్రకాశ్రాజ్ కనిపిస్తాడని పేర్కొన్నారు. ఈ పుకార్లకు చెక్ పెడుతూ అసలు విషయం చెప్పారు దర్శకుడు ప్రశాంత్ నీల్. వారిద్దరి రోల్స్ వేర్వేరు అని, సీక్వెల్లో ప్రకాశ్రాజ్ పాత్ర ఉంటుందని పేర్కొన్నారు.
