డైలాగ్ కింగ్ మోహన్బాబు కథానాయకుడిగా... దేశభక్తి ప్రధానంగా తెరకెక్కుతున్న చిత్రం 'సన్ ఆఫ్ ఇండియా'. డైమండ్‌ రత్నబాబు దర్శకత్వం వహిస్తున్నారు. అయితే ఈ చిత్రంలో మెగాస్టార్ చిరంజీవి అతిథి పాత్రలో కనిపించబోతున్నారని తెలిసింది.
ఇటీవల 'ఆచార్య' సెట్లో చిరును కలిశారు మోహన్బాబు. ఈ సందర్భంగా వీరిద్దరు కలిసి దిగిన ఫొటోలు సామాజిక మాధ్యమాల్లో వైరల్ అయ్యాయి. అయితే ఈ భేటిలో... తన సినిమాలో నటించమని చిరుకు మోహన్బాబు విజ్ఞప్తి చేశారని సమాచారం. ఒకవేళ ఈ ప్రతిపాదనకు మెగాస్టార్ గ్రీన్ సిగ్నల్ ఇస్తే.. 'సన్ ఆఫ్ ఇండియా'కు మరో ప్రత్యేక ఆకర్షణ అవుతుంది. చిరంజీవి నటించిన ఎన్నో సినిమాల్లో డైలాగ్ కింగ్ విలన్‌గా నటించారు. కామెడీతో కూడిన విలనిజంతో ఆకట్టుకున్నారు. వీరిద్దరు కలిసి నటించిన ఆఖరి చిత్రం 'కొదమసింహం'.
'సన్ ఆఫ్ ఇండియా' సినిమాను శ్రీ లక్ష్మీ ప్రసన్న పిక్చర్స్‌, 24 ఫ్రేమ్స్‌ ఫ్యాక్టరీ సంయుక్తంగా రూపొందిస్తున్నాయి. విష్ణు మంచు నిర్మాత.
ఇదీ చూడండి : 'రాజమౌళి సినిమాలో అదొక్కటే కష్టం'
