Chiranjeevi Anushka movie: స్టార్ హీరోయిన్ అనుష్క మళ్లీ తన జోరు పెంచేందుకు సిద్ధమైనట్లు కనిపిస్తోంది. ఇటీవలే నవీన్ పొలిశెట్టితో ఓ మూవీ చేసేందుకు గ్రీన్ సిగ్నల్ ఇచ్చిన ఈ భామ.. ఇప్పుడు మరో చిత్రానికి ఓకే చెప్పేందుకు రెడీ అయినట్లు తెలిసింది.
మెగాస్టార్ చిరంజీవి ఇటీవలే వెంకీ కుడుములతో ఓ చిత్రం చేయనున్నట్లు ప్రకటించారు. ఇందులో హీరోయిన్గా అనుష్క పేరును చిత్రబృందం పరిశీలించిందట. ఇప్పటికే ఆమెను సంప్రదించి కథను కూడా వివరించారని తెలిసింది. కథ నచ్చి అనుష్క కూడా ఓకే చెప్పేందుకు సిద్ధమైందట. త్వరలోనే దీనిపై అధికార ప్రకటన వచ్చే అవకాశముంది. ఇది కనుక నిజమైతే ఫ్యాన్స్కు పండగే.
అంతకుముందు చిరు-అనుష్క కలిసి 'స్టాలిన్' సినిమాలో ఓ ప్రత్యేక గీతంలో కలిసి చిందులేశారు. కాగా, చిరంజీవి.. ప్రస్తుతం 'గాడ్ఫాదర్', 'భోళాశంకర్', 'వాల్తేరు వీర్రాజు' సినిమాల్లో నటిస్తున్నారు.
ఇదీ చూడండి: చిరు సినిమాలో సల్మాన్.. డేట్స్ ఫిక్స్!
