పవన్ కల్యాణ్ కథానాయకుడిగా క్రిష్ దర్శకత్వంలో ఓ చిత్రం తెరకెక్కుతోంది. పీరియాడికల్‌ డ్రామా నేపథ్యంలో భారీ అంచనాల నడుమ ఈ చిత్రాన్ని రూపొందిస్తున్నారు. 'PSPK27' వర్కింగ్‌ టైటిల్‌తో చిత్రీకరణ జరుపుకొంటున్న ఈ చిత్రం నుంచి ఓ ఆసక్తికర అప్‌డేట్‌ బయటకు వచ్చింది. చరిత్రాత్మక కథాంశంగా రానున్న ఈ సినిమాలో 17వ దశాబ్దం నాటి పరిస్థితులు చూపించనున్నారు.
ఇందులో భాగంగా చార్మినార్ వైభవం గురించి చెప్పనున్నారట. అధిక శాతం చార్మినార్‌పై చిత్రీకరణ జరపాల్సి రావడం వల్ల ఈ సినిమా కోసం భారీ బడ్జెట్‌తో చార్మినార్ సెట్‌ను రూపొందిస్తున్నట్టు సమాచారం.
ఈ సినిమా టైటిల్‌ ఇంకా ఖరారు కాకపోవడం వల్ల 'హరిహర వీరమల్లు', 'విరూపాక్ష' లాంటి పేర్లు ప్రచారంలో నిలిచాయి. "మరికొన్ని రోజుల సమయం తీసుకుని మంచి టైటిల్‌ మీ ముందుకు తీసుకొస్తామ"ని చిత్ర సన్నిహిత వర్గాలు పేర్కొన్నాయి. మరోవైపు ఈ సినిమాలో నటిస్తున్నట్లు నిధి అగర్వాల్‌ ఇటీవల ప్రకటించారు. మెగా సూర్య ప్రొడక్షన్ పతాకంపై ఎ.ఎం.రత్నం ఈ చిత్రాన్ని నిర్మిస్తున్నారు. కీరవాణి స్వరాలు సమకూరుస్తున్నారు.
ఇదీ చూడండి: పవన్ ఫ్యాన్స్కు నిరాశ.. రెండో సాంగ్ లేదట!
