విజయ్ సేతుపతి-కత్రినా.. 'మెర్రీ క్రిస్మస్'

విజయ్ సేతుపతి కథానాయకుడిగా నటిస్తున్న హిందీ సినిమాకు 'మెర్రీ క్రిస్మస్' టైటిల్ నిర్ణయించారు. దీని షూటింగ్ జూన్లో ప్రారంభమయ్యే అవకాశమున్నట్లు తెలుస్తోంది.

విజయ్ సేతుపతి కత్రినా కైఫ్

Published : May 16, 2021, 5:38 AM IST

Updated : May 16, 2021, 6:42 AM IST

విలక్షణ నటుడు విజయ్ సేతుపతి, కత్రినా కైఫ్ కలిసి నటిస్తున్న సినిమాకు టైటిల్ పెట్టేశారు. 'మెర్రీ క్రిస్మస్' పేరును ఖరారు చేశారు. ఈ విషయాన్ని నిర్మాత రమేశ్ తౌరుని చెప్పారు.

ఏప్రిల్లోనే మొదలవ్వాల్సిన ఈ సినిమా షూటింగ్.. కత్రినాకు కరోనా రావడం వల్ల నిలిచిపోయింది. ఆ తర్వాత సెకండ్ వేవ్ ప్రభావంతో షూటింగ్లు ఆగిపోయాయి. అయితే జూన్లో చిత్రీకరణ ప్రారంభించాలని అనుకుంటున్నట్లు నిర్మాత రమేశ్ తెలిపారు.

ఇదే కాకుండా విజయ్ సేతుపతి 'ముంబయికర్', 'గాంధీ టాక్స్', రాజ్-డీకే దర్శకత్వంలో వెబ్ సిరీస్లో నటిస్తున్నారు. వీటి షూటింగ్ కూడా కరోనా కారణంగా ఎక్కడికక్కడే నిలిచిపోయింది.