టాలీవుడ్లో యూవీ క్రియేషన్స్ ప్రముఖ నిర్మాణ సంస్థ. ప్రస్తుతం రూ.300 కోట్లతో 'సాహో'ను రూపొందిస్తోంది. యంగ్ రెబల్ స్టార్ ప్రభాస్ హీరోగా నటిస్తున్నాడు. ఆగస్టు 30న ప్రేక్షకుల ముందుకు రానుంది.
ఈ నిర్మాతలు అక్కినేని నాగచైతన్యతో త్వరలో సినిమా చేయనున్నారని సమాచారం. 'వెంకటాద్రి ఎక్స్ప్రెస్', 'ఎక్స్ప్రెస్ రాజా'లతో ఆకట్టుకున్న మేర్లపాక గాంధీ దర్శకత్వం వహించనున్నాడు. ప్రస్తుతం వెంకీమామ, శేఖర్ కమ్ముల చిత్రాలతో బిజీగా ఉన్నాడు అక్కినేని హీరో.
ఒకవేళ ఈ సినిమాలో చేసేందుకు చైతూ అంగీకరించకపోతే సాయిధరమ్ తేజ్ను తీసుకోనున్నారని సమాచారం. త్వరలో ఈ విషయంపై స్పష్టత ఇవ్వనున్నారు నిర్మాతలు.
ఇది చదవండి: అందుకే శివ నిర్వాణతో సినిమా చేశానంటున్న హీరో నాగచైతన్య
