గత కొద్దిరోజులుగా ఇద్దరు యువ హీరోలు బాక్సాఫీసు వద్ద తలపడబోతున్నట్లు వార్తలు వినిపిస్తున్నాయి. శేఖర్ కమ్ముల దర్శకత్వంలో నాగచైతన్య హీరోగా 'ఎన్సీ19' తెరకెక్కుతోండగా.. మరోవైపు క్రాంతి మాధవ్‌ దర్శకత్వంలో విజయ్ దేవరకొండ 'వరల్డ్‌ ఫేమస్ లవర్' చిత్రం రానుంది. ఈ రెండు చిత్రాలు ప్రేమికుల దినోత్సవం కానుకగా ఫిబ్రవరి 14న విడుదల కానునట్లు సమాచారం.
తాజాగా చైతూ లవర్స్డే తేదీని విజయ్ సినిమా కోసం వదిలేశాడని సమాచారం. తన చిత్రాన్ని వచ్చే ఏడాది వేసవిలో ఏప్రిల్ 2న ప్రేక్షకులకు చూపించబోతున్నట్లు తెలుస్తోంది. త్వరలోనే ఈ విషయంపై అధికారిక ప్రకటన రానుందట.
'ఫిదా' వంటి హిట్‌ తర్వాత శేఖర్ దర్శకత్వంలో వస్తోన్న చిత్రం ఎన్సీ19. చైతన్యకు జోడీగా తొలిసారి సాయిపల్లవి నటిస్తోంది. దీంతో ఈ సినిమాపై ప్రేక్షకుల్లో భారీ అంచనాలు నెలకొన్నాయి. నాగచైతన్య ఈ సినిమా కోసం తొలిసారి తెలంగాణ యాసలో మాట్లాడబోతున్నాడంటూ వినికిడి.
ఇవీ చూడండి.. నూతన కథానాయికతో నాగ్ రొమాన్స్..!
