అగ్ర కథానాయకుడు మెగాస్టార్ చిరంజీవి(Chiranjeevi Godfather Movie) ప్రధాన పాత్రలో తెరకెక్కుతోన్న పవర్‌ఫుల్‌ పొలిటికల్‌ డ్రామా 'గాడ్ ఫాదర్'. మోహన్‌ రాజా దర్శకత్వం వహిస్తున్నారు. మలయాళంలో సూపర్‌హిట్‌ అందుకున్న 'లూసిఫర్‌' రీమేక్‌గా ఈ సినిమా సిద్ధం కానుంది. ఈ సినిమాలో ఎంతో కీలకంగా ఉండే హీరో సోదరి పాత్రను తెలుగులో నయనతార(Nayanthara In Godfather) పోషిస్తున్నారు. ఈ విషయాన్ని తాజాగా చిత్ర నిర్మాణ సంస్థ అధికారికంగా ప్రకటించింది. ఈ నేపథ్యంలో 'గాడ్ ఫాదర్' సినిమా కోసం నయన్(Nayanthara In Godfather) తీసుకున్న పారితోషికంపై అందరూ మాట్లాడుకుంటున్నారు. ఎందుకంటే.. ఈ సినిమా కోసం ఆమె ఏకంగా రూ.4 కోట్లు తీసుకున్నారని ఇండస్ట్రీలో టాక్‌ వినిపిస్తోంది.
పొలిటికల్‌ డ్రామాగా తెరకెక్కుతున్న ఈ సినిమాలో నయనతార(Nayanthara In Godfather) రోల్‌ ఎంతో కీలకంగా ఉండనుందని తెలుస్తోంది. మునుపెన్నడూ లేనివిధంగా ఆమె పవర్ ఫుల్‌ లుక్‌లో కనిపించనున్నారని సమాచారం. ఇక, సినిమా విషయానికి వస్తే కొణిదెల ప్రొడెక్షన్స్‌, సూపర్ గుడ్‌ ఫిల్మ్స్‌ సంయుక్తంగా ఈ చిత్రాన్ని నిర్మిస్తున్నాయి. సత్యదేవ్‌ ఈ సినిమాలో ఓ కీ రోల్‌ పోషిస్తున్నట్లు సమాచారం. నయనతార భర్తగా ఆయన కనిపించనున్నట్లు తెలుస్తోంది. అంతేకాకుండా బాలీవుడ్‌ నటుడు సల్మాన్‌ఖాన్‌ ఈ సినిమాలో నటించనున్నారంటూ గత కొన్నిరోజుల నుంచి ప్రచారం సాగుతోంది.
ఇదీ చూడండి: RRR Movie: 'ఆర్ఆర్ఆర్'లో అజయ్ దేవ్గణ్ పాత్ర ఇంతేనా?
ఇదీ చూడండి: 'జెర్సీ' ట్రైలర్ రిలీజ్ డేట్.. గౌతమ్ కొత్త సినిమా ప్రారంభం
