భారీ తారాగణం, రూ. 200 కోట్ల బడ్జెట్తో తెరకెక్కుతోన్న ప్రతిష్ఠాత్మక చిత్రం 'బ్రహ్మాస్త్ర'. ఈ సినిమా శరవేగంగా షూటింగ్ జరుపుకొంటోంది. అయితే ఈ చిత్రానికి కొత్త చిక్కులు వచ్చి పడ్డాయి. చిత్ర నటుడు రణ్బీర్ పాత్ర బహిర్గతమైందన్న వార్త చక్కర్లు కొడుతుంది. ఈ విషయంపై స్పందించిన చిత్రబృందం కథ మాత్రం లీకైంది కానీ సంబంధించిన ఫొటోలు, సమాచారమేదీ బహిర్గతం కాలేదని చెప్పుకుంటున్నారు.
- కథలో రణ్బీర్ 'డీజే' పాత్రలో కనిపించనున్నారట. ఇందులో తండ్రికి తనయుడికి మధ్య కొంత సంఘర్షణ జరుగుతుంది. నిజజీవితంలో ప్రేమికురాలైన ఆలియాభట్‌... సినిమాలోనూ రణ్‌బీర్‌కు ప్రేయసిగానే నటిస్తోందట.
- చిత్రానికి అయాన్ ముఖర్జీ దర్శకత్వం వహిస్తున్నారు. బుల్లితెర నటి మౌనీరాయ్‌ ప్రతినాయకురాలి పాత్రలో కనిపించనుంది. తెలుగు కథానాయకుడు నాగార్జున ఇటీవల తెలుగు టీజర్లో తన గాత్రంతో ఆకట్టుకున్నారు. అంతేకాకుండా ఇందులో ఓ పాత్రలోనూ నటిస్తున్నారు.
