బాలీవుడ్ నటుడు సుశాంత్ సింగ్‌ రాజ్‌పుత్‌.. బంధుప్రీతి, ప్రముఖుల అమానుష చర్యల వల్లే ఆత్మహత్య చేసుకున్నాడని కొంతమంది నెటిజన్లు తీవ్రంగా విమర్శిస్తున్నారు. సామాజిక మాధ్యమాల వేదికగా వారిపై అనుచిత వ్యాఖ్యలు చేస్తున్నారు. వారి సినిమాలను బాయ్కాట్ చేస్తామని నిరసనలు తెలుపుతున్నారు.
అయితే ఇదే విధమైన విమర్శలకు గురైన ప్రముఖ హీరోయిన్ ఆలియా భట్.. తాను నటించిన 'సడక్ 2' సినిమాకు సంబంధించిన కొత్త పోస్టర్ను ఇన్స్టాలో పోస్ట్ చేసింది. త్వరలోనే ఓటీటీ ప్లాట్ఫాం డిస్నీ ప్లస్ హాట్స్టార్లో విడుదల చేయనున్నట్లు ప్రకటించింది.
- " class="align-text-top noRightClick twitterSection" data="
">
ఈ నేపథ్యంలో ఇప్పటికే ఆలియాపై గుర్రుగా ఉన్న నెటిజన్లు.. ఆమెపై మళ్లీ విమర్శలతో విరుచుకుపడ్డారు. సుశాంత్ మరణానికి తాను ఓ కారణమంటూ వ్యాఖ్యలు చేశారు. ఈ సినిమాను బాయ్కాట్ చేస్తామంటూ సోషల్మీడియాలో తీవ్రంగా ట్రోల్ చేశారు. ఈ చిత్రానికి దర్శకత్వం వహించిన ఆలియా తండ్రి ప్రముఖ దర్శకుడు మహేశ్ భట్పై కూడా అనుచిత వ్యాఖ్యలు చేస్తూ విమర్శలు గుప్పించారు.
1999లో వచ్చిన 'కార్టూస్' చిత్రం తర్వాత మహేశ్ సినిమాలకు దూరమయ్యాడు. ఈ చిత్రంతో మళ్లీ పునరాగమనం చేస్తున్నాడు. 1991లో వచ్చిన 'సడక్' సినిమాకు సీక్వెల్గా దీన్ని తెరకెక్కిస్తున్నారు. ఈ సినిమాలో నటించిన సంజయ్, పూజాభట్.. సీక్వెల్లోనూ కనిపించనున్నారు. ఆదిత్యరాయ్ కపూర్, ఆలియా హీరో హీరోయిన్లుగా నటిస్తున్నారు.
ఇది చూడండి : బాలీవుడ్ నటులకు సోషల్ మీడియా సెగ
