టాలీవుడ్ హీరో నితిన్, యువ దర్శకుడు వెంకీ కుడుముల కాంబినేషన్లో వచ్చిన చిత్రం 'భీష్మ'. రష్మిక కథానాయిక. ఫిబ్రవరి 21న విడుదలైన ఈ సినిమా.. బాక్సాఫీసు వద్ద ఘన విజయాన్ని సాధించింది. సేంద్రీయ వ్యవసాయం నేపథ్యంలో తెరకెక్కిన ఈ చిత్రం.. అన్ని వర్గాల ప్రేక్షకులనూ ఆకట్టుకుంటోంది. ఈ నేపథ్యంలో చిత్ర బృందం హైదరాబాద్లో విజయోత్సవ వేడుకను నిర్వహించి.. ప్రేక్షకులకు ప్రత్యేక కృతజ్ఞతలు తెలిపింది.
ప్రేక్షకులకు, దర్శకుడు వెంకీకి ధన్యవాదాలు తెలిపాడు హీరో నితిన్. ఈ చిత్ర విజయం వెనుక దర్శకుడి శ్రమ చాలా ఉందని... అతడిని ఆలింగనం చేసుకుని భావోద్వేగానికి గురయ్యాడు నితిన్.
"సినిమాలో కామెడీ టైమింగ్, నటన చాలా బాగుందన్నారు ప్రేక్షకులు. వెంకీ నాకు కథ చెప్పిన విధానం , యాక్టింగ్ చేసి చూపిన తీరులోనే నేను నటించాను. అచ్చం అదే కాపీ కొట్టాను. అందుకే అందరూ నా నటనను ప్రశంసిస్తున్నారు. ఎప్పటికీ ఈ విజయాన్ని మర్చిపోలేను."
-నితిన్, కథానాయకుడు.
కథానాయిక రష్మిక కూడా చిత్రబృందానికి, ప్రేక్షకులందరికీ ధన్యవాదాలు తెలిపింది. సినిమా విజయం పట్ల ఆనందాన్ని వ్యక్తం చేసిందీ అందాల భామ.
"నితిన్.. మిమల్ని సినిమాలో భీష్మగా చూసినప్పడు మీకు అభిమాని అయిపోయాను. మీ టైమింగ్, స్టైల్, ప్రతిదీ నాకు బాగా నచ్చింది. సినిమాకి కష్టపడి పనిచేసిన ప్రొడక్షన్ బాయ్స్, లైట్ బాయ్స్, ప్రేక్షకులందరికీ ధన్యవాదాలు."
-రష్మిక, కథానాయిక.
బాలీవుడ్‌లో విజయవంతమైన 'అంధాధున్‌' చిత్రం.. ప్రస్తుతం తెలుగులో రీమేక్‌ అవుతోంది. ఇందులో నితిన్ హీరోగా కనిపించనున్నాడు. మేర్లపాక గాంధీ దర్శకత్వం వహిస్తున్నాడు. ఫిబ్రవరి 24న హైదరాబాద్లో పూజా కార్యక్రమం నిర్వహించింది చిత్రబృందం.
ఇదీ చూడండి : వైరల్: అదిరిపోయే స్టెప్పులతో జాన్వీ సందడి
