అభిమానులను డబుల్ సర్ప్రైజ్ చేసేందుకు నటసింహం నందమూరి బాలకృష్ణ సిద్ధమవుతున్నారు. జూన్ 10న తన 60వ జన్మదినం సందర్భంగా స్వయంగా పాడిన ఓ పాటతో అలరించబోతున్నారు. ఈరోజు (మంగళవారం) సాయంత్రం దానిని విడుదల చేయనున్నారు. అయితే ఆ గీతం ఏమై ఉంటుందా అని అభిమానులు తెగ చర్చించుకుంటున్నారు. దీని గురించి తెలియాలంటే మరికొన్ని గంటలు ఆగాల్సిందే.
మరో విశేషమేమిటంటే... ప్రస్తుతం బాలయ్య బోయపాటి శ్రీను దర్శకత్వంలో నటిస్తున్నారు. అయితే తాజాగా దీనికి సంబంధించిన టైటిల్, ఫస్ట్లుక్ను కూడా ఈరోజు సాయంత్రం 7: 09 నిమిషాలకు విడుదల చేయనున్నారు. తమన్ ఈ సినిమాకు సంగీతం అందిస్తున్నారు.
బాలయ్య తన 60వ పుట్టినరోజు జరుపుకోనున్న నేపథ్యంలో ముందస్తుగా గత కొన్నిరోజుల నుంచి ఆయన అభిమానులు వేడుకలు జరుపుకొంటున్నారు. పలు సేవా కార్యక్రమాలను చేపడుతున్నారు.
ఇది చూడండి : నందమూరి బాలకృష్ణ పాడిన ఆ పాట ఏంటి?
