అగ్ర కథానాయకుడు నందమూరి బాలకృష్ణ- మాస్ డైరెక్టర్ బోయపాటి శ్రీను కాంబినేషన్లో రూపొందుతోన్న మూడో చిత్రం 'అఖండ'. వీరిద్దరూ కలిసి గతంలో పనిచేసిన చిత్రాలు 'సింహా', 'లెజెండ్' బాక్సాఫీసు వద్ద ఘన విజయాన్ని సాధించాయి. ఇప్పుడు ఈ కాంబోలో తెరకెక్కుతోన్న మూడో చిత్రమైన 'అఖండ'పై అభిమానుల్లో భారీ అంచనాలే నెలకొన్నాయి. ఇటీవలే విడుదలైన చిత్ర టీజర్కూ విశేషస్పందన వస్తోంది. యూట్యూబ్లో వేగంగా 50 మిలియన్ల వీక్షణలు దక్కించుకున్న తొలి తెలుగు సినిమాగా రికార్డు క్రియేట్ చేసింది.
'అఖండ' చిత్ర టీజర్ తెచ్చిన క్రేజ్కు ఈ సినిమా థియేట్రికల్, డిజిటల్ హక్కులు భారీ ధరకు అమ్ముడుపోయాయని టాలీవుడ్ వర్గాలు అంటున్నాయి. మొత్తంగా 80 నుంచి 90 కోట్ల రూపాయలకు మేర ప్రీ-రిలీజ్ బిజినెస్ జరిగినట్లు గుసగుసలు వినిపిస్తున్నాయి. అయితే దీనిపై అధికారిక ప్రకటన ఇంకా రాలేదు. ఇదే నిజమైతే బాలయ్య కెరీర్లోనే అత్యధికంగా ప్రీ-రిలీజ్ బిజినెస్ చేసిన చిత్రమిదే కాబోతోంది.
మే 28న సినిమా విడుదల కావాల్సినప్పటికీ, కరోనా సెకండ్ వేవ్ ప్రభావంతో షూటింగ్ ఆగిపోయింది. థియేటర్లు కూడా మూతపడ్డాయి. ఇంకా 20 రోజుల షూటింగ్ మిగిలుందని హీరోయిన్ ప్రగ్యా జైస్వాల్ ఇటీవలే ఓ ఇంటర్వ్యూలో చెప్పింది. ఈ చిత్రానికి తమన్ సంగీతమందిస్తుండగా, మిర్యాల రవీందర్ రెడ్డి నిర్మిస్తున్నారు.
- " class="align-text-top noRightClick twitterSection" data="">
ఇదీ చూడండి.. సినీ ప్రొడక్షన్ మహిళలకు అలీ దంపతుల సాయం
