వరస ఫ్లాప్లతో సతమతమవుతోన్న దశలో 'సింహా', 'లెజెండ్‌'ల రూపంలో బాలకృష్ణకు భారీ విజయాలను అందించాడు బోయపాటి శ్రీను. ఇప్పుడీ జోడీ ముచ్చటగా మూడోసారి సెట్స్‌పైకి వెళ్లేందుకు సిద్ధమైంది. ఇప్పటికే పూజా కార్యక్రమాలతో లాంఛనంగా మొదలైన ఈ సినిమా.. మార్చి నుంచి రెగ్యులర్‌ షూట్‌ ప్రారంభించుకోబోతుంది. ఇందులో బాలయ్య ద్విపాత్రాభినయం చెయ్యబోతున్నాడని, అందులో ఓ పాత్ర కోసం అఘోరాగా దర్శనమివ్వబోతున్నాడని ఇప్పటికే వార్తలొచ్చాయి. తాజాగా ఈ హీరో రెండు పాత్రల గురించి మరికొన్ని ఆసక్తికర విషయాలు బయటకొచ్చాయి.
అఘోరాగా బాలయ్య ఎంట్రీ అప్పుడే..!
నందమూరి నటసింహం బాలకృష్ణ హీరోగా బోయపాటి శ్రీను దర్శకత్వంలో ఓ చిత్రం తెరకెక్కబోతుంది. ఈ సినిమాలో బాలయ్య రెండు పాత్రల్లో కనిపించనున్నాడట. తాజాగా ఈ ద్విపాత్రాభినయం గురించి ఆసక్తికర వార్తలు వినిపిస్తున్నాయి.
బాలకృష్ణ
నిజానికి ఈ చిత్రంలో బాలయ్య కవలలుగా ఉంటారని, చిన్నతనంలోనే వాళ్లిద్దరినీ వేరు చేయడం వల్ల ఒకరు వారణాసిలో.. మరొకరు అనంతరపురంలో పెరుగుతారని సమాచారం. ఈ రెండు పాత్రలు చిత్ర ఇంటర్వెల్‌ సమయంలో కలుస్తాయని, ఆ ఎపిసోడ్‌లో అఘోరాగా బాలయ్య ఎంట్రీ ఒళ్లు గగుర్పాటుకు గురిచేసేలా ఉంటుందని తెలుస్తోంది. ఈ పాత్రే సినిమాకు ప్రధాన ఆకర్షణగా నిలుస్తుందట. మరి ఈ కవలలిద్దర్నీ వేరు చేసింది ఎవరు? అసలు వాళ్లిద్దరి కథ ఏంటి? వంటి ప్రశ్నలకు సమాధానాలు తెలియాలంటే ఈ సినిమా బయటకొచ్చే వరకు వేచి చూడక తప్పదు.
బాలకృష్ణ ఇప్పటికే అఘోరా పాత్ర కోసం తన లుక్‌ను కూడా మార్చుకున్నాడు. వచ్చే నెలలో వారణాసిలో ప్రారంభం కాబోయే షెడ్యూల్‌ను ఈ పాత్ర చిత్రీకరణతోనే మొదలుపెట్టబోతున్నట్లు తెలుస్తోంది. ఇందులో బాలయ్యకు జోడీగా అంజలి నటిస్తుండగా.. మరో నాయిక పాత్రకు ఛాన్స్‌ ఉన్నట్లు సమాచారం.
వరస ఫ్లాప్లతో సతమతమవుతోన్న దశలో 'సింహా', 'లెజెండ్‌'ల రూపంలో బాలకృష్ణకు భారీ విజయాలను అందించాడు బోయపాటి శ్రీను. ఇప్పుడీ జోడీ ముచ్చటగా మూడోసారి సెట్స్‌పైకి వెళ్లేందుకు సిద్ధమైంది. ఇప్పటికే పూజా కార్యక్రమాలతో లాంఛనంగా మొదలైన ఈ సినిమా.. మార్చి నుంచి రెగ్యులర్‌ షూట్‌ ప్రారంభించుకోబోతుంది. ఇందులో బాలయ్య ద్విపాత్రాభినయం చెయ్యబోతున్నాడని, అందులో ఓ పాత్ర కోసం అఘోరాగా దర్శనమివ్వబోతున్నాడని ఇప్పటికే వార్తలొచ్చాయి. తాజాగా ఈ హీరో రెండు పాత్రల గురించి మరికొన్ని ఆసక్తికర విషయాలు బయటకొచ్చాయి.
నిజానికి ఈ చిత్రంలో బాలయ్య కవలలుగా ఉంటారని, చిన్నతనంలోనే వాళ్లిద్దరినీ వేరు చేయడం వల్ల ఒకరు వారణాసిలో.. మరొకరు అనంతరపురంలో పెరుగుతారని సమాచారం. ఈ రెండు పాత్రలు చిత్ర ఇంటర్వెల్‌ సమయంలో కలుస్తాయని, ఆ ఎపిసోడ్‌లో అఘోరాగా బాలయ్య ఎంట్రీ ఒళ్లు గగుర్పాటుకు గురిచేసేలా ఉంటుందని తెలుస్తోంది. ఈ పాత్రే సినిమాకు ప్రధాన ఆకర్షణగా నిలుస్తుందట. మరి ఈ కవలలిద్దర్నీ వేరు చేసింది ఎవరు? అసలు వాళ్లిద్దరి కథ ఏంటి? వంటి ప్రశ్నలకు సమాధానాలు తెలియాలంటే ఈ సినిమా బయటకొచ్చే వరకు వేచి చూడక తప్పదు.
బాలకృష్ణ ఇప్పటికే అఘోరా పాత్ర కోసం తన లుక్‌ను కూడా మార్చుకున్నాడు. వచ్చే నెలలో వారణాసిలో ప్రారంభం కాబోయే షెడ్యూల్‌ను ఈ పాత్ర చిత్రీకరణతోనే మొదలుపెట్టబోతున్నట్లు తెలుస్తోంది. ఇందులో బాలయ్యకు జోడీగా అంజలి నటిస్తుండగా.. మరో నాయిక పాత్రకు ఛాన్స్‌ ఉన్నట్లు సమాచారం.
Last Updated : Mar 2, 2020, 2:44 PM IST
