నటసింహం బాలకృష్ణ- దర్శకుడు బోయపాటి శ్రీను కాంబినేషన్లో ఓ చిత్రం రూపొందుతోంది. ఇందులో నాయికగా ప్రగ్యా జైశ్వాల్ నటిస్తోంది. హీరోయిన్ పాత్ర గురించి ఓ ఇంట్రెస్టింగ్ అప్డేట్ టాలీవుడ్లో చక్కర్లు కొడుతోంది. ప్రగ్యా.. యంగ్ కలెక్టర్ పాత్రలో కనిపించనున్నారని సమాచారం. సినిమాలో బాలయ్య పాత్ర చేసే మంచి పనులకు ఆమె లవ్లో పడుతుందని ప్రచారం జరుగుతోంది. అయితే ఈ వార్తల్లో నిజమెంతో తెలియాలంటే సినిమా వచ్చేంత వరకు వేచిచూడాల్సిందే.
ద్వారకా క్రియేషన్స్ పతాకంపై రూపొందుతున్న ఈ చిత్రంలో నటి పూర్ణ వైద్యురాలి పాత్రలో కనిపించనుందట. అయితే ఆమె పాత్రలో కొంత నెగటివ్ షేడ్స్ ఉంటాయని టాలీవుడ్ టాక్‌. హీరో శ్రీకాంత్‌ కీలక పాత్ర పోషించనున్నారు. చిత్రానికి 'గాడ్‌ ఫాదర్‌' అనే టైటిల్‌ను చిత్రబృందం పరిశీలిస్తుంది.
ఈ సినిమాకు తమన్‌ సంగీత స్వరాలు అందిస్తుండగా రామ్ ప్రసాద్‌ ఛాయాగ్రాహకుడిగా పనిచేస్తున్నారు. మిర్యాల రవీందర్‌రెడ్డి నిర్మాత. ఈ ఏడాది మే 28న సినిమా ప్రేక్షకుల ముందుకురానుంది.
ఇదీ చూడండి: 'సుల్తాన్'లో అసలు విలన్ ఎవరన్నదే ట్విస్టు!
