'సింహా', 'లెజెండ్‌' చిత్రాలతో సూపర్‌ హిట్‌ కాంబినేషన్‌గా పేరుపొందిన బాలకృష్ణ-బోయపాటి శ్రీను హ్యాట్రిక్‌ చిత్రం.. శరవేగంగా చిత్రీకరణ జరుపుకొంటోంది. బాలయ్య 106వ సినిమాగా తెరకెక్కుతున్న ఈ సినిమా.. తాజాగా తొలిషెడ్యూల్ పూర్తిచేసుకుంది. వారణాశిలో జరిగిన ఈ షూటింగ్ కోసం బాలయ్య దాదాపు 25 కిలోల బరువు తగ్గినట్లు తెలుస్తోంది. అంతేకాకుండా బాలకృష్ణ పాత్రలో రెండు కోణాలుంటాయట. కొన్ని సన్నివేశాల్లో ఈ స్టార్హీరో.. అఘోరాగానూ కనిపిస్తాడని ప్రచారం జరుగుతోంది.
బోయపాటి సినిమా తర్వాత సీనియర్‌ దర్శకుడు బి.గోపాల్‌ డైరెక్షన్లో బాలకృష్ణ ఓ సినిమా చేయబోతున్నట్లు సమాచారం. 'రౌడీ ఇన్‌స్పెక్టర్‌', 'సమర సింహారెడ్డి', 'నరసింహ నాయుడు' లాంటి విజయవంతమైన చిత్రాలు వీరిద్దరి కాంబినేషన్లో వచ్చాయి. ప్రస్తుతం సెట్స్‌పై ఉన్న 106వ చిత్రం పూర్తికాగానే, విరామం తీసుకోకుండా కొత్త చిత్రం కోసం రంగంలోకి దిగబోతున్నాడట బాలయ్య. మేలో చిత్రీకరణ ఆరంభిస్తాడని సమాచారం.
