"నా జోలికి వస్తే వదిలేస్తాను. కానీ మా అన్న జోలికోస్తే ఊరుకోను" అని అంటున్నాడు బాలీవుడ్ నటుడు టైగర్ ష్రాఫ్. అతడు హీరోగా నటించిన చిత్రం 'భాఘీ 3' విడుదలకు సిద్ధమైంది. ఇప్పటికే టైగర్.. 'భాఘీ', 'భాఘీ 2' సినిమాలతో ప్రేక్షకులను అలరించాడు. మరో విభిన్న కథాంశంతో తెరకెక్కుతోన్న ఈ సినిమాలో శ్రద్ధాకపూర్‌ హీరోయిన్గా.. టైగర్‌కు అన్నయ్యగా రితేశ్ దేశ్‌ముఖ్‌ నటించారు. రితేశ్ పాత్ర ఈ సినిమాలో చాలా కీలకం. అహ్మద్‌ఖాన్‌ దర్శకత్వం వహిస్తున్న ఈ సినిమా మార్చి 6న ప్రేక్షకుల ముందుకు రానుంది.
అన్నను రక్షించడానికి..
ఈ సందర్భంగా 'భాఘీ 3' ట్రైలర్ను సోషల్‌మీడియాలో అభిమానులతో పంచుకుంది చిత్రబృందం. ఇందులో టైగర్ ష్రాఫ్ యాక్షన్ సీక్వెన్స్‌ ప్రేక్షకులను అలరించే విధంగా ఉన్నాయి. రితేశ్ ఓ పోలీస్ అధికారి పాత్రలో అమాయకంగా తెరపై కనిపించనున్నాడు. అతడంటే తమ్ముడు టైగర్‌కు చాలా ఇష్టం. కొన్నిపనుల నిమిత్తం రితేశ్ సిరియా వెళ్తాడు. అక్కడికి వెళ్లాక కొందరు ఉగ్రవాదులు అతన్ని బంధిస్తారు. అన్నను కాపాడేందుకు కథానాయకుడు ఆ దేశానికి వెళ్తాడు. వాళ్లతో పోరాడి తన అన్నను రక్షించుకున్నాడా? లేదా? అనేది తెలియాలంటే 'భాఘీ 3' కోసం వేచి చూడాల్సిందే.
- " class="align-text-top noRightClick twitterSection" data="">
ఇదీ చూడండి.. 'వైల్డ్ డాగ్' చిత్రీకరణకు కరోనా వైరస్ భయం
