'అవెంజర్స్ ఎండ్ గేమ్'... ఇటీవల విడుదలైన ఈ చిత్రం ప్రపంచవ్యాప్తంగా మంచి వసూళ్లతో దూసుకెళ్తోంది. అవెంజర్స్ సిరీస్లో చివరి సినిమాగా ప్రేక్షకుల ముందుకొచ్చింది. ఈ సిరీస్లో నటించిన హాలీవుడ్ నటుల పారితోషికాలు చూస్తే ఆశ్చర్యపోక తప్పదు. ఐరన్మ్యాన్ పాత్ర పోషించిన రాబర్ట్ డౌనీ జూనియర్ ఈ చిత్ర నిర్మాణ సంస్థ మార్వెల్తో పెద్ద మొత్తంలో ఒప్పందం కుదుర్చుకున్నట్లు సమాచారం.
ఎండ్గేమ్ ముందు చిత్రమైన 'అవెంజర్స్ ఇన్ఫినిటీ వార్'కు రాబర్ట్ డౌనీ దాదాపు 75 మిలియన్ డాలర్లు(రూ. 521 కోట్లు) తీసుకున్నట్లు హాలీవుడ్ వర్గాల అంచనా వేస్తున్నాయి. 2017లో వచ్చిన స్పైడర్ మ్యాన్ చిత్రంలోను రాబర్ట్ డౌనీ నటించాడు. ఈ సినిమా చిత్రీకరణలో మూడు రోజులే పాల్గొన్నాడు. ఇందుకుగాను రోజుకు 5 మిలియన్ డాలర్లు(రూ.34కోట్లు) తీసుకున్నాడు.
- " class="align-text-top noRightClick twitterSection" data="">
అవెంజర్స్లో మిగతా పాత్రల్లో నటించిన క్రిస్ హేమ్స్వర్త్, క్రిస్ ఇవాన్స్, స్కార్లెట్ జాన్సన్లు భారీ పారితోషికాలే స్వీకరించారు. థోర్ పాత్రను పోషించిన క్రిస్ హేమ్స్వర్త్ ఐదు చిత్రాలకు గాను మార్వెల్తో 2010లోనే ఒప్పందం కుదుర్చుకున్నాడు. ఒక్కో సినిమాకు 15 నుంచి 20 మిలియన్ డాలర్లు(రూ. 104 కోట్లు) తీసుకున్నాడు.
కెప్టెన్ అమెరికా పాత్రలో నటించిన క్రిస్ ఇవాన్స్ కూడా 15 నుంచి 20 మిలియన్ డాలర్లు(104) తీసుకున్నట్లు సమాచారం.
