'ఆక్వామాన్' సినిమా సీక్వెల్ గురించి ఆసక్తికరమైన వివరాలను పంచుకున్నాడు ఆ చిత్ర దర్శకనిర్మాత జేమ్స్ వాన్. ఇందులో భయానక సన్నివేశాలుంటాయని ఇటీవలే వెల్లడించాడు.
"నా మొదటి చిత్రం 'సా'లో హర్రర్ కంటెంట్ను కొద్దిగా చూపించినా.. ఈ చిత్రంలో అలాంటి సన్నివేశాలు కొన్ని ఎక్కువగానే ఉంటాయి. భయానక చిత్రాలను నిర్మించడం నాలో భాగమని నేను అనుకుంటా. అందుకే నా నుంచి అలాంటి చిత్రాలు వస్తాయి" అని తెలిపాడు జేమ్స్ వాన్.
'ఆక్వామాన్' ఫ్రాంచైజీలో తొలి చిత్రం 2018లో విడుదలైంది. ఈ చిత్ర నిర్మాత జేమ్స్ వాన్.. 'కంజూరింగ్' సిరీస్లోనూ భాగమయ్యాడు. హెచ్బీఓ మ్యాక్స్ కోసం ఆక్వామాన్ యానిమేషన్ ఎపిసోడ్లను నిర్మిస్తున్నాడు. ఈ ఆక్వామాన్ సీక్వెల్ చిత్రం 2022లో ప్రేక్షకుల ముందుకు రానుంది.
