కరోనా ప్రపంచమంతా వ్యాపిస్తున్న క్రమంలో కుక్కల ద్వారా వైరస్ సంక్రమిస్తుందన్న ప్రచారం సామాజిక మాధ్యమాల్లో జరుగుతోంది. దీంతో చాలా మంది వారి పెంపుడు జంతువులను బయట వదిలేస్తున్నారు. ఈ చర్యలపై స్పందించింది బాలీవుడ్ నటి అనుష్కశర్మ. పెంపుడు జంతువులను వదిలి వేయవద్దని ఇన్స్టాగ్రామ్ ద్వారా ఆమె కోరింది.
"ఈ సమయంలో తమ పెంపుడు జంతువులను విడిచి పెట్టవద్దని ప్రతి ఒక్కరిని అభ్యర్థిస్తున్నా. దయచేసి వాటిని జాగ్రత్తగా చూసుకోండి. వాటిని మీతో భద్రంగా ఉంచండి. బయట వదిలివేయడమనేది అమానవీయమైన చర్య".
- అనుష్కశర్మ, బాలీవుడ్ కథానాయిక
కరోనా నియంత్రణకు ప్రతి ఒక్కరు స్వీయనిర్బంధం పాటించాలని ఇటీవలే ఇన్స్టాగ్రామ్లో అనుష్క, కోహ్లీ కలిసి ఓ వీడియోను పోస్ట్ చేశారు. ప్రజలలో అవగాహన కల్పించేందుకు 'సేఫ్ హ్యాండ్స్' సవాలులోనూ పాల్గొందీ నటి.
- " class="align-text-top noRightClick twitterSection" data="
">
అనుష్క శర్మ కంటే ముందుగా.. రచయిత, నటి ట్వింకిల్ ఖన్నా పెంపుడు జంతువులను వదిలిపెట్టవద్దని అభిమానులకు విజ్ఞప్తి చేసింది. సామాజిక మాధ్యమాల్లో ప్రచారమయ్యే వాటిని నమ్మవద్దని తెలిపింది.
ఇదీ చూడండి.. సచిన్ ఐదు రికార్డులను కోహ్లీ ఛేదించగలడా?
