బాలకృష్ణ కథానాయకుడిగా బోయపాటి శ్రీను దర్శకత్వంలో ఓ చిత్రం తెరకెక్కుతోంది. ఇటీవలే ప్రారంభమైన ఈ సినిమా త్వరలోనే రెగ్యులర్‌ షూటింగ్‌ జరుపుకోనుంది. ఈ చిత్రం కోసం కథానాయికల ఎంపిక చాలా రోజుల నుంచి జరుగుతోంది. ఇద్దరు హీరోయిన్లకు అవకాశం ఉన్న ఈ సినిమాలో ఒక కథానాయికగా తెలుగు నటి అంజలిని ఎంపిక చేసినట్లు చిత్రవర్గాలు తెలిపాయి. గతంలో బాలయ్యతో కలిసి అంజలి 'డిక్టేటర్‌' చిత్రంలో ఆడిపాడింది. ఇప్పుడు మరోసారి బాలకృష్ణ సరసన నటించే అవకాశాన్ని దక్కించుకుంది.
మరో నాయికగా శ్రియను తీసుకున్నట్లు సమాచారం. దీనిపై చిత్రబృందం నుంచి అధికారిక ప్రకటన వెలువడాల్సి ఉంది. 'సింహా', 'లెజెండ్‌' సినిమాల తర్వాత బాలయ్య-బోయపాటి కాంబినేషన్‌లో వస్తున్న సినిమా కావడం వల్ల అంచనాలు భారీగానే ఉన్నాయి. ఇందులో బాలకృష్ణ అఘోరగా కనిపిస్తాడని ప్రచారం జరుగుతోంది. త్వరలోనే వారణాశిలో చిత్రీకరణ మొదలు కానుంది.
