అందాల తార శ్రీదేవి కుమార్తె, హీరోయిన్ జాన్వీ కపూర్ను చూస్తే చాలా నెమ్మదిగా ఉన్నట్లు కనిపిస్తుంది. కానీ ఆమె ఎంత అల్లరి పిల్లో తెలిస్తే మీరు ఆశ్చర్యపోవడం పక్కా! దీని గురించి ఓ ఉదాహరణ కూడా చెప్పింది జాన్వీ బెస్ట్ ఫ్రెండ్ తనీషా. ఇటీవల ఓ ఇంటర్వ్యూలో పాల్గొన్న ఈమె, గతంలో స్పెయిన్ వెకేషన్లో జాన్వీ చేసిన అల్లరి పని గురించి వెల్లడించింది.
"ఓసారి నేను, జాన్వీ, ఖుషీ కలిసి స్పెయిన్ వెళ్లాం. ఓరోజు బయటకెళ్దామని చెబితే, జాన్వీ హోటల్లోనే ఉంటానని చెప్పింది. దీంతో నేను, ఖుషీ బయటకు వెళ్లాలని నిర్ణయించుకునే సరికి.. ఒక్కదానినే వదిలేసి వెళ్లిపోతున్నారా అంటూ గొడవ పెట్టుకుంది. సరేకదా అని మేం హోటల్లోనే ఉండిపోయాం. ఆ తర్వాత జాన్వీ, మాకు ఎవరికి చెప్పకుండా బయటకు వెళ్లిపోయింది. ఆమెను ఎవరైనా పట్టుకుని వెళ్లిపోయారేమో మేం భయపడ్డాం. ఏడుస్తూ కూర్చున్నాం. జాన్వీ మాత్రం తాపీగా ఐస్క్రీమ్లు తింటూ బార్సిలోనా వీధులన్ని తిరుగుతూ హోటల్కు తిరిగొచ్చింది" అని తనీషా గతంలో జరిగిన సంఘటనను వివరించింది.
ఓటీటీలో గతేడాది విడుదలైన 'గుంజన్ సక్సేనా' సినిమాతో అలరించిన జాన్వీ, ప్రస్తుతం 'రుహీ అఫ్జానా', 'దోస్తానా 2', 'గుడ్లక్ జెర్రీ' సినిమాల్లో నటిస్తూ బిజీగా ఉంది.
ఇవీ చదవండి:
