'ఆ పాత్ర చేయడానికి ఏంజెలీనా జోలీ ఆదర్శం'

హాలీవుడ్​ నటి ఏంజెలీనా జోలీ తనకు ఆదర్శమని తెలిపింది బాలీవుడ్​ అందాల భామ దిశా పటానీ. 'మలంగ్​' సినిమాలో వ్యతిరేక ఛాయలున్న పాత్ర పోషించటానికి కారణమిదేనని వెల్లడించింది.

బాలీవుడ్​ నటి దిశా పటానీ నటించిన తాజా చిత్రం 'మలంగ్​'. ఇందులో పాత్ర కోసం హాలీవుడ్​ నటి ఏంజెలీనా జోలీని ఆదర్శంగా తీసుకున్నట్టు తెలిపిందీ అమ్మడు. ఈ చిత్రంలో వ్యతిరేక ఛాయలున్న పాత్రలో నటించటం ఓ కొత్త అనుభూతిని ఇచ్చిందని వెల్లడించింది దిశా.

"మలంగ్​' కథ విన్న కొద్ది నిమిషాల్లోనే ఈ సినిమాకు ఓకే చెప్పేశాను. ఎందుకంటే ఇలాంటి పాత్రలు అమ్మాయిలు అరుదుగా పోషిస్తారు. వ్యతిరేక ఛాయలున్న పాత్రలు చేయాలంటే చాలా ఇష్టం. హలీవుడ్​లో నెగటివ్​ రోల్స్​ చేస్తున్న ఏంజెలీనా జోలీనే ఆదర్శంగా తీసుకున్నాను. ఈ సినిమాలోని పాత్ర కోసం ఆమె నటించిన కొన్ని సన్నివేశాలను చూసి స్ఫూర్తి పొందాను. ఈ చిత్రంలో హీరోతో చేసిన రొమాంటిక్​ సన్నివేశాలు అద్భుతంగా ఉన్నాయని అందరూ ప్రశంసిస్తున్నారు."
- దిశా పటానీ, బాలీవుడ్​ నటి

కెరీర్​ ఆరంభంలోనే పూరి జగన్నాథ్​, నీరజ్​ పాండే, అలీ అబ్బాస్​ జాఫర్​ లాంటి అగ్ర దర్శకులతో పని చేయటం అదృష్టంగా భావిస్తున్నట్లు దిశా తెలిపింది. 'మలంగ్' చిత్రంలో హీరోగా ఆదిత్యా కపూర్​, ప్రధాన పాత్రల్లో అనీల్​ కపూర్​, కునాల్​ కెమ్మూ నటించారు.

• " class="align-text-top noRightClick twitterSection" data="">
  

ఇదీ చూడండి.. 'జాను' సాంగ్ : 'ఊహలే ఊహలే' అంటూ ఊహల్లో తేలిపోవాల్సిందే