ప్రముఖ బాలీవుడ్ హీరో ఆమిర్ఖాన్ ప్రధాన పాత్రలో నటిస్తున్న సినిమా 'లాల్ సింగ్ చద్దా'. అద్వైత్ చందన్ తెరకెక్కిస్తున్న ఈ చిత్రం గతేడాది సెట్స్పైకి వెళ్లి.. 2020 మార్చి వరకు చిత్రీకరణ వేగంగానే జరుపుకొంది. ఆ తర్వాత కరోనా మహమ్మారి కారణంగా షూటింగ్ నిలిపేయాల్సి వచ్చింది. దీంతో ఈ ఏడాది క్రిస్మస్కు విడుదల చేయాలనుకున్న సినిమా కాస్త.. 2021 క్రిస్మస్కు వాయిదా పడింది.
ఇప్పటికే సినిమాకు సబంధించిన పలు కీలక సన్నివేశాల్ని దిల్లీ, రాజస్థాన్, చండీగఢ్, అమృత్సర్, కోల్కతాల్లో చిత్రీకరించారు. జులైలో లద్దాఖ్లో షూటింగ్ జరగాల్సి ఉండగా.. గల్వాన్ లోయలో భారత్, చైనా మధ్య ఏర్పడిన ఉద్రిక్త పరిస్థితుల కారణంగా చిత్రీకరణ నిలిపేయాల్సి వచ్చింది.
1994 టామ్ హాంక్స్ బ్లాక్ బాస్టర్ 'ఫారెస్ట్ గంప్' చిత్రానికి హీందీ రీమేక్గా దీనిని రూపొందిస్తున్నారు. కరీనా కపూర్, మోనా సింగ్ కీలక పాత్రల్లో నటిస్తున్నారు.
