సాధారణంగా ట్రైలర్, టీజర్ బాగుంటే ఇతర సినిమాల్లో అవకాశలొస్తాయి. కానీ ఓ టీజర్‌ని చూసి మరో సినిమా నుంచి తొలగించిన ఘటన హీరోయిన్ అమలాపాల్‌కు ఎదురైంది. విజయ్తో అమలాపాల్ ఓ చిత్రం చేయాల్సి ఉండగా.. ‘ఆమె’ ప్రచార చిత్రం చూసి అందులో నుంచి తనను తొలగించారని ఆవేదన వ్యక్తం చేసిందీ కథానాయిక. ఈ విషయమై స్పందిస్తూ ఓ ప్రెస్‌నోట్‌ను విడుదల చేసింది.
"‘ఆమె’ టీజర్ విడుదలైన తర్వాత నన్ను విజయ్ సేతుపతి సినిమా నుంచి తొలగిస్తున్నామని నిర్మాత రత్న కుమార్‌ చెప్పారు. ఈ టీజర్‌తో వారి చిత్రంపై నెగిటివ్‌ టాక్‌ వస్తుందన్న ఉద్దేశంతో తీసేసుంటారు. ఇలాంటి ఆలోచనా ధోరణి మారితేనే పరిశ్రమ బాగుంటుంది. విజయ్‌కి వ్యతిరేకంగా ఇది చెప్పడంలేదు, అతడితో నటించాలని ఎప్పటి నుంచో ఎదురుచూస్తున్నా." -అమలాపాల్, నటి
ఇది చదవండి: 'బందోబస్త్'గా వస్తున్న హీరో సూర్య
