అల్లుఅర్జున్ పుట్టినరోజు సందర్భంగా జన్మదిన శుభాకాంక్షలు తెలుపుతూ గురువారం.. 'పుష్ప' సినిమాలోని ఆయన లుక్కు సంబంధించిన ఓ పోస్టర్ను ఐకానిక్ స్టార్ పేరుతో విడుదల చేసింది చిత్రబృందం. ఇది అభిమానులను ఆకట్టుకునేలా ఉంది.
ఈ చిత్రానికి సుకుమార్ దర్శకత్వం వహించగా.. పల్లెటూరి అమ్మాయిగా రష్మిక కనిపించనుంది. ఎర్ర చందనం అక్రమ రవాణా నేపథ్యంలో సాగే కథ ఇది. మైత్రీమూవీ మేకర్స్‌ సంస్థ నిర్మిస్తోంది. దేవీశ్రీ ప్రసాద్‌ సంగీతం అందిస్తున్నారు. మలయాళ నటుడు ఫహాద్ ఫాజిల్ విలన్గా నటిస్తున్నారు. ఆగస్టు 13న ప్రేక్షకుల ముందుకు రానుందీ చిత్రం.
టైగర్ ష్రాఫ్ హీరోగా బాలీవుడ్కు పరిచయమైన చిత్రం 'హీరోపంతి'. ప్రస్తుతం ఈ చిత్రానికి సీక్వెల్లో నటిస్తున్నాడీ హీరో. శరవేగంగా చిత్రీకరణ జరుపుకుంటున్న ఈ చిత్రం తొలి షెడ్యూల్ షూటింగ్ను పూర్తిచేసుకున్నట్లు తెలిపింది చిత్రబృందం. ఈ ఏడాది డిసెంబరు 3న రిలీజ్ కానున్న ఈ సినిమాకు అహ్మద్ ఖాన్ దర్శకత్వం వహిస్తున్నారు. సాజిద్ నదియావాలా నిర్మిస్తున్నారు. తారా సుతారియా కథానాయికగా నటించనుంది.
ఇదీ చూడండి: 'తగ్గేదే లే' అంటున్న 'పుష్ప'రాజ్‌
