అల్లు అర్జున్ 'పుష్ప' చిత్రీకరణ శరవేగంగా సాగుతోంది. కేరళలోని అడవుల్లో కీలక సన్నివేశాల్ని తెరకెక్కిస్తున్నారు. అయితే ఈ సినిమాలో బన్నీ మేకప్ గురించి ఆసక్తికర విషయం ప్రస్తుతం టాలీవుడ్ వర్గాల్లో చర్చనీయాంశమైంది.
ఎర్రచందనం స్మగ్లింగ్ నేపథ్య కథతో తీస్తున్న ఈ సినిమాలో అల్లు అర్జున్ లారీ క్లినర్గా కనిపించనున్నట్లు తెలుస్తోంది. అందుకోసం పూర్తిగా టాన్ లుక్లో కనిపించాలి. దీంతో రోజులో నాలుగు గంటల పాటు బన్నీ మేకప్ కోసమే కేటాయించాల్సి వస్తోందట.
ఈ చిత్రంలో రష్మిక హీరోయిన్గా నటిస్తోంది. దేవిశ్రీ ప్రసాద్ సంగీతమందిస్తున్నారు. సుకుమార్ దర్శకత్వం వహిస్తుండగా, మైత్రీ మూవీ మేకర్స్ నిర్మిస్తోంది.
