ఐకాన్ స్టార్ అల్లుఅర్జున్ 'పుష్ప' షూటింగ్ తిరిగి హైదరాబాద్లో సోమవారం మొదలైంది. బన్నీతో పాటు ఫహద్ ఫాజిల్, హీరోయిన్ రష్మిక తదితరులపై కీలక సన్నివేశాలు చిత్రీకరించనున్నారు. ఈ షెడ్యూల్ను వీలైనంత త్వరగా పూర్తిచేయాలని యూనిట్ భావిస్తోంది. దీంతో ఈ ఏడాది చివరి కల్లా థియేటర్లలోకి 'పుష్ప'ను తీసుకురావాలనేది ప్లాన్! మరి ఏం జరుగుతుందో చూడాలి?
విలన్గా హాస్యనటుడు సునీల్?
హాస్యనటుడిగా ఎన్నో చిత్రాల్లో నటించి గుర్తింపు తెచ్చుకున్న సునీల్.. 'కలర్ఫోటో'లో ప్రతినాయకుడిగా మెప్పించారు. ఇప్పుడు 'పుష్ప' తొలిభాగంలోనూ అదే తరహా పాత్రలో నటిస్తున్నారనే ప్రచారం జరుగుతోంది.
విలన్స్ ధనంజయ్, ఫహద్
తొలి భాగంలో తాను విలన్గా కనిపిస్తానని కన్నడ నటుడు ధనంజయ్ ఇటీవల క్లబ్హౌస్లో మాట్లాడుతూ వెల్లడించారు. రెండో భాగంలో ఫహద్ ఫాజిల్ ప్రతినాయకుడిగా అలరించనున్నారని చెప్పారు. తమ పాత్రలు ప్రేక్షకుల్ని ఆకట్టుకుంటున్నాయని అన్నారు.
కథానేపథ్యం అదే
చిత్తూరు ఎర్రచందనం స్మగ్లింగ్ నేపథ్య కథతో 'పుష్ప'ను దర్శకుడు సుకుమార్.. రెండు భాగాలుగా తెరకెక్కిస్తున్నారు. భారీ బడ్జెట్తో మైత్రీమూవీ మేకర్స్, ముత్తంశెట్టి మీడియా సంయుక్తంగా నిర్మిస్తున్నాయి. దేవిశ్రీ ప్రసాద్ సంగీత దర్శకుడు. ఇప్పటికే వచ్చిన టీజర్ మిలయన్ల కొద్ది వ్యూస్తో దూసుకుపోతూ రికార్డులు సృష్టిస్తోంది.
- " class="align-text-top noRightClick twitterSection" data="">
ఇవీ చదవండి:
