స్టైలిష్ స్టార్ అల్లు అర్జున్ 'అల.. వైకుంఠపురములో' నటిస్తూ బిజీగా ఉన్నాడు. తర్వాతి సినిమా సుకుమార్ దర్శకత్వంలో చేయనున్నాడు. ఇటీవలే లాంఛనంగా ప్రారంభమైంది. చిత్తూరు అడవుల నేపథ్యంలో సాగే ఈ చిత్రంలో.. బన్నీ పాత్రకు సంబంధించిన ఓ వార్త ఆసక్తి రేపుతోంది.
#ఏఏ20 వర్కింగ్ టైటిల్తో ఈ సినిమా తెరకెక్కుతోంది. ఇందులో ఎర్రచందనం స్మగ్లింగ్ చేసే లారీ డ్రైవర్గా, ఓ వినూత్న పాత్రలో బన్నీ కనిపించనున్నాడట. ఇందుకు సంబంధించి ప్రీ ప్రొడక్షన్ వర్క్ ప్రస్తుతం జరుగుతోంది.
హీరోయిన్ రష్మిక మందణ్న.. ఈ చిత్రంలో గ్రామీణ యువతి పాత్ర పోషిస్తోంది. ప్రతినాయక పాత్రలో విజయ్ సేతుపతి కనిపించనున్నాడు. దేవి శ్రీ ప్రసాద్ సంగీతమందిస్తున్నాడు. మైత్రీ మూవీ మేకర్స్ నిర్మిస్తోంది. వచ్చే ఏడాది ద్వితియార్థంలో ప్రేక్షకుల ముందుకు రానుందీ సినిమా.
ఇది చదవండి: సంక్రాంతి పోరు.. బన్నీ జోరుగా.. మహేశ్ మెల్లగా..
