ట్రైలర్: నా జీవితం అయిపోలేదు.. ఇప్పుడే మొదలైంది

అల్లరి నరేశ్ హీరోగా తెరకెక్కిన 'నాంది' సినిమా ట్రైలర్ విడుదలైంది. మరోసారి విభిన్న పాత్రలో అలరిస్తున్నారు నరేశ్.

అల్లరి నరేశ్ కీలకపాత్రలో నటిస్తున్న చిత్రం 'నాంది'. విజయ్‌ కనకమేడల దర్శకుడు. నిజ జీవిత సంఘటనల ఆధారంగా తెరకెక్కిన ఈ చిత్ర ట్రైలర్​ను నేడు సూపర్ స్టార్ మహేశ్ బాబు విడుదల చేశారు. నరేశ్ మరోసారి విభిన్న పాత్రలో మెప్పిస్తున్నారు. ట్రైలర్ సినిమాపై అంచనాల్ని మరింతగా పెంచింది.

సీరియస్ కథతో ఇంటెన్సివ్ ఎమోషన్స్​తో కూడిన ఈ ట్రైలర్ ఆకట్టుకునేలా ఉంది. రాజగోపాల్​ను ఎవరు హత్య చేశారు? నరేశ్​కు ఆ హత్యకు సంబంధం ఏంటి? ఓ అమాయకుడైన వ్యక్తిని హంతకుడిగా ముద్ర వేస్తే జరిగే పరిణామాలేంటి? అనే అంశంతో ఈ సినిమా తెరకెక్కినట్లు తెలుస్తోంది.

• " class="align-text-top noRightClick twitterSection" data="">

అన్ని కార్యక్రమాలు పూర్తి చేసుకుని ఈ మూవీ ఫిబ్రవరి 19న ప్రేక్షకుల ముందుకు తీసుకొస్తున్నట్లు వెల్లడించింది చిత్రబృందం. ఇటీవలే 'బంగారు బుల్లోడు' అనే చిత్రంతో థియేటర్లకు వచ్చిన నరేశ్ అంతగా ఆకట్టుకోలేకపోయాడు. దీంతో ఇతడికి 'నాంది' కమ్ బ్యాక్ మూవీ కావాలని అభిమానులు ఆశిస్తున్నారు.