బంగారాన్ని పువ్వుల్లో పెట్టుకుని చూసే 'బంగారు బుల్లోడు'

అల్లరి నరేష్ హీరోగా పీవీ గిరి దర్శకత్వంలో రూపొందుతోన్న చిత్రం 'బంగారు బుల్లోడు'. ఈరోజు నరేష్ పుట్టినరోజు సందర్భంగా ఈ సినిమా టీజర్​ను విడుదల చేసింది చిత్రబృందం.

కామెడీ హీరోగా తనకంటూ గుర్తింపు తెచ్చుకున్నాడు అల్లరి నరేష్. 'గమ్యం', 'నేను', 'ప్రాణం', 'శంభో శివ శంభో' వంటి సినిమాల్లో విభిన్న పాత్రలతో విమర్శకుల ప్రశంసలు అందుకున్నాడు. ప్రస్తుతం 'నాంది', 'బంగారు బుల్లోడు' చిత్రాల్లో నటిస్తున్నాడు. ఈరోజు నరేష్ పుట్టినరోజు సందర్భంగా ఈ మూవీ టీజర్​ను విడుదల చేసింది చిత్రబృందం.

ఇందులో మరోసారి కామెడీతో అలరించాడు నరేష్. హాస్యంతో పాటు చివర్లో కాస్త సెంటిమెంట్ అంశాల్ని చూపించి సినిమాపై ఆసక్తిని పెంచింది చిత్రబృందం.

• " class="align-text-top noRightClick twitterSection" data="">

పీవీ గిరి దర్శకత్వం వహిస్తోన్న ఈ సినిమాను ఏకే ఎంటర్‌టైన్మెంట్స్ బ్యానర్‌పై రామబ్రహ్మం సుంకర, అనిల్ సుంకర నిర్మించారు. పూజా జవేరి హీరోయిన్‌గా నటిస్తోంది.

ఈరోజు 'నాంది' టీజర్​ను కూడా విడుదల చేసింది చిత్రబృందం. ఇందులో అమాయక ఖైదీ పాత్రలో కనిపించి అభిమానులను మరోసారి అబ్బురపరిచాడు నరేష్.