'అష్టా-చమ్మా'తో వెండితెరకు పరిచయమై ప్రస్తుతం విభిన్న పాత్రలతో అలరిస్తున్న నటుడు అవసరాల శ్రీనివాస్. దర్శకుడిగానూ రాణిస్తున్నారు. ఇటీవలే 'నూటొక్క జిల్లాల అందగాడు'(nootokka jillala andagadu release date) సినిమాతో ప్రేక్షకుల ముందుకు వచ్చారు. ఈ సందర్భంగా ఈటీవీలో ప్రసారమయ్యే ఆలీతో సరదాగా(Alitho saradaga latest episode) కార్యక్రమానికి హాజరైన ఆయన ఈ చిత్రం సహా కెరీర్ గురించి పలు ఆసక్తికర విషయాలు తెలిపారు. ఈ క్రమంలోనే తాను గతంలో ఫోర్జరీ సంతకం పెట్టి దొరికిపోయినట్లు వెల్లడించారు.
'ఓ పవర్ఫుల్ డాక్యుమెంట్ ఒకటి ఉంది. ఓ ఐఏఎస్ ఆఫీసర్ సంతకం పెట్టాలి. నువ్వు ఫోర్జరీ సంతకాలు బాగా పెడతావంటగా' అని అలీ అడగ్గా.. శ్రీనివాస్ ఈ విషయాన్ని చెప్పారు.
"అవును. చదువుకునేటప్పుడు ఓ సారి నాతో పాటు మిగతా ఫ్రెండ్స్కు మార్కులు సరిగ్గా రాలేదు. ఆన్సర్ షీట్ ఇచ్చి ఇంటికెళ్లి పేరెంట్స్ చేత సంతకం పెట్టించుకురమ్మన్నారు. ఇంటిదాకా వెళ్లి సంతకం పెట్టించుకోవడం ఎందుకని క్లాస్రూమ్లోనే పెట్టేశా. మా స్నేహితులు కూడా వాళ్ల వాళ్ల నాన్న పేర్లు చెప్పి సైన్ పెట్టించుకున్నారు. అయితే మా టీచర్..'ఆన్సర్ ఒకటి కరెక్ట్ చేసి ఎక్స్ట్రా మార్క్లు వేస్తా. ఆన్సర్ షీట్ తిరిగి ఇవ్వండి' అని వెనక్కి తీసుకున్నారు. అదే పీరియడ్లో ఆన్సర్ షీట్లో సంతకాలు ఎలా వచ్చాయని చిన్న డిస్కషన్ జరిగింది. కానీ ఆమె మమల్ని క్షమించారు."
-అవసరాల శ్రీనివాస్, నటుడు.
- " class="align-text-top noRightClick twitterSection" data="">
దర్శకుడు క్రిష్ ఫిర్యాదు.. షూటింగ్లో ప్రమాదం!
శ్రీనివాస్ నటించిన 'నూటొక్క జిల్లాల అందగాడు' సినిమా నిర్మాతల్లో దర్శకుడు క్రిష్ ఒకరు. ఈ మూవీ విశేషాల గురించి అలీ మాట్లాడుతూ.. 'క్రిష్.. సినిమా పరంగా కాకుండా నీ మీద ఫిర్యాదు చేశారు. నీ గురించి హ్యాపీగా లేరని చెప్పారు' అని అలీ అన్నారు. అనంతరం వీడియో కాల్ ద్వారా క్రిష్తో ఈ విషయం గురించి మాట్లాడారు. 'జార్జియాలో ఈ సినిమా షూటింగ్ జరిగేటప్పుడు ఓ గమ్మతైన, కష్టమైన విషయం జరిగింది. జార్జియన్ భాషలో 'స్ఖాలి' నే పదానికి శ్రీనివాస్ను అడిగి తెలుసుకోండి' అని చెప్పి వెళ్లిపోయారు.
"స్ఖాలీ అంటే నీళ్లు. ఇది నాకు ఆలస్యంగా తెలియడం వల్ల ఓ చిన్న ప్రమాదం కూడా జరిగింది. ఓ చిన్న ఎండిపోయిన నదిలో షూట్ చేస్తున్నారు. అందులో రాళ్లు,రప్పలు ఉన్నాయి. షూట్ జరుగుతుండగా.. అందరూ స్ఖాలీ అని అరుస్తున్నారు. నాకు అర్థం కాలేదు. నా ముందు ఉన్న ఓ ట్రక్ కంగారుగా బయలుదేరుతుంది. నేను అది ఎక్కేశా. ఆ తర్వాత పక్కకు తిరిగి చూస్తే ఆ నది నిండిపోయి నీళ్లు వచ్చేస్తున్నాయి. అప్పటివరకు చాలా పెద్ద వర్షం పడింది. మేము మధ్యలో ఉన్నాం. జీపు మీద కూర్చుంటే అయ్యే పనికాదు లేచి దిగుదామని నిలబడ్డా. జీపు వేగంగా టేకాఫ్ అవ్వడం వల్ల కింద పడిపోయా. చెయ్యి విరిగిపోయింది. దీంతో చివరి మూడు రోజుల షూట్ చెయ్యలేకపోయా. స్ఖాలి అంటే నీళ్లు అని తెలుసుంటే ముందే జీపు ఎక్కేవాడిని కాదు. తర్వాత ఆస్పత్రికి వెళ్తే చెయ్యి బాగా విరిగిందని అర్థమైంది" అని శ్రీనివాస్ బదులిచ్చారు.
ఈ సినిమాలో బట్టతలతో కనిపించేందుకు నిజంగానే గుండు చేయించుకున్నానని శ్రీనివాస్ అన్నారు. ఈ చిత్రానికి ఆయనే కథ అందించగా.. విద్యాసాగర్‌(కొత్త దర్శకుడు) తెరకెక్కించారు. సెప్టెంబరు 3న ఈ చిత్రం థియేటర్‌లై మంచి .టాక్తో ఆడుతోంది.
ఇదీ చూడండి: 'ఇంకెప్పుడూ నన్ను సినిమాలు చేయొద్దన్నారు'
