హీరో ప్రభాస్, హీరోయిన్ ఆలియా భట్ తలపడటానికి సిద్ధమయ్యారు. అదేంటి వీరిద్దరు కలిసి ఏదైనా సినిమా చేస్తున్నారా అని అనుకుంటారేమో. కాదు.. బాక్సాఫీస్ యుద్ధానికి సమాయత్తమయ్యారు.
గ్యాంగ్‌స్టర్‌ గంగూబాయ్ కొతేల్‌వాలి జీవిత కథతో ప్రముఖ దర్శకుడు సంజయ్‌ లీలా భన్సాలీ తెరకెక్కిస్తున్న చిత్రం 'గంగూబాయి కతియావాడి'. టైటిల్‌ పాత్రలో బాలీవుడ్ నాయిక ఆలియా భట్ నటిస్తోంది. తాజాగా ఈ సినిమాను ఈ ఏడాది జులై 30న విడుదల చేయనున్నట్లు ప్రకటించింది చిత్రబృందం. అయితే ఇదే రోజున రాధాకృష్ణ కుమార్ దర్శకత్వంలో హీరో ప్రభాస్ నటిస్తున్న 'రాధేశ్యామ్' సినిమా కూడా విడుదల కానుంది. దీంతో ఇరు సినిమాల మధ్య గట్టిపోటీ నెలకొననుంది. మరి ఈ రెండింటిలో అత్యధిక వసూళ్ళను ఏ సినిమా అందుకుంటుందో చూడాలి మరి.
- " class="align-text-top noRightClick twitterSection" data="">
అయితే ఈ రెండు సినిమాలే కాకుండా మరికొన్ని చిత్రాలు కూడా ఈ ఏడాది ఒకే రోజున విడుదలకు సిద్ధమయ్యాయి.
ప్రభుదేవా దర్శకత్వంలో బాలీవుడ్ కండల వీరుడు సల్మాన్ ఖాన్ నటించిన 'రాధే' ఈ ఏడాది ఈద్కు థియేటర్లలోకి రానుండగా.. మరోవైపు మిలాప్ జవేరీ డైరెక్షన్లో జాన్ అబ్రహాం నటించిన 'సత్యమేవ జయతే 2' మే 12న రిలీజ్ కానుంది.
అక్షయ్ కుమార్ నటిస్తున్న స్పై థ్రిల్లర్ మూవీ 'బెల్ బాటమ్' ఏకంగా హాలీవుడ్ సినిమా 'ఫాస్ట్ అండ్ ఫ్యూరియస్ 9'తో పోటీ పడనుంది. ఈ రెండు చిత్రాలు మే 28న ప్రేక్షకుల ముందుకు రానున్నాయి.
విష్ణు వర్ధన్ దర్శకత్వంలో సిద్ధార్థ్ మల్హోత్రా నటించిన 'షేర్షా' జులై 2న విడుదలవుతుండగా.. అదే రోజున 26/11 దాడుల్లో వీరమరణం పొందిన మేజర్ సందీప్ ఉన్నికృష్ణన్ జీవితం ఆధారంగా తీస్తున్న సినిమా 'మేజర్' విడుదల కానుంది. ఇందులో అడవి శేష్ నటించారు.
వెలుగుల పండగ దీపావళికి అక్షయ్‌కుమార్‌ 'పృథ్వీరాజ్‌'(నవంబరు 5), షాహిద్‌ కపూర్‌ 'జెర్సీ'(నవంబరు 5) రిలీజ్ కానున్నాయి.
ఇదీ చూడండి: బాక్సాఫీస్ వార్: సల్మాన్తో జాన్, ఆర్ఆర్ఆర్తో మైదాన్
