బాలీవుడ్ స్టార్ హీరోయిన్ ఆలియా భట్(alia bhatt business) వరుస సినిమాల్లో నటిస్తూ కెరీర్లో దూసుకెళ్తోంది. ఓ వైపు నటిస్తూనే మరోవైపు నిర్మాతగానూ మారింది. ఇప్పుడు మరో కొత్త వ్యాపారంలోకి అడుగుపెట్టింది. అగరబత్తీలు, బయోలెదర్ తయారు చేసే ఓ అంకుర సంస్థలో పెట్టుబడులను పెట్టింది. ఇందులో ఇన్వెస్ట్ చేయడం సంతోషంగా ఉందని చెప్పింది.
2017లో ఓ ఇంజినీరింగ్ గ్రాడ్యుయేట్ అంకిత్ అగర్వాల్.. ఈ అంకుర సంస్థను స్థాపించాడు. ఇప్పటికే ఈ స్టార్టప్ కంపెనీ సీడ్ ఫండింగ్ ద్వారా దాదాపు 2 మిలియన్ల డాలర్లను ఐఐటీ కాన్పూర్, ఐఏఎన్ ఫండ్, సోషల్ అల్ఫా ఎప్ఐఎస్ఈ, డ్రాపర్ రిచర్డ్స్ కల్పన్ ఫౌండేషన్ నుంచి సేకరించింది. ఈ స్టార్టప్ ఇప్పటికే ఫెయిర్ ట్రేడ్ అండ్ ఎకోసర్ట్ ఆర్గానిక్ అండ్ నేచురల్ సర్టిఫికేట్ను పొందింది.
ఈ స్టార్టప్ కంపెనీలో పెట్టుబడులు పెట్టడం గురించి ఆలియా మాట్లాడుతూ.. "పూలను రీసైక్లింగ్ చేసి అగరబత్తీ, బయో లెదర్ను తయారుచేయడమనే ఆలోచన నాకు నచ్చింది. ఈ ప్రక్రియ ఎకో ఫ్రండ్లీ. దీనిద్వారా నదులు శుభ్రంగా ఉంటాయి. ఇక ఈ కంపెనీ వల్ల ఎంతోమంది మహిళలకు ఉపాధి కలుగుతుంది" అని చెప్పింది.
త్వరలోనే రాజమౌళి తెరకెక్కించిన 'ఆర్ఆర్ఆర్'(Aliabhatt RRR movie) చిత్రంతో ప్రేక్షకుల ముందుకు రానుంది ఆలియా. దీంతో పాటే ప్రస్తుతం పలు చిత్రాల్లోనూ నటిస్తోంది.
ఇదీ చూడండి: Alia Bhatt: ఆలియా సెట్కు ఎందుకు వెళ్లేదో తెలుసా?
