ఒక్కో సినిమా కోసం అక్షయ్​​కు రూ.135 కోట్లు?

హీరో అక్షయ్ తన పారితోషికాన్ని భారీగా పెంచేసినట్లు తెలుస్తోంది. గతంలో ఆ మొత్తం రూ.117 కోట్ల ఉండగా, ప్రస్తుతం రూ.135 కోట్లు డిమాండ్ చేస్తున్నట్లు సమాచారం.

బాలీవుడ్​ అగ్రహీరో అక్షయ్ కుమార్ రెమ్యునరేషన్​ పెంచేశారట! 2022లో విడుదలయ్యే తన చిత్రాలకు రూ.135 కోట్లు చొప్పున తీసుకోనున్నట్లు తెలుస్తోంది. దీని గురించి అధికారికంగా తెలియకపోయినప్పటికీ ఆయన సన్నిహితులు మాత్రమే ఈ విషయం నిజమేనని అంటున్నారు.

అయితే అక్షయ్ రూ.200 కోట్లకు పారితోషికం చేరుకున్నా సరే ఆశ్చర్యపోవాల్సిన అవసరం లేదని బాలీవుడ్​ వర్గాలు చెబుతున్నాయి. ఇంతకీ అక్షయ్​కు నిర్మాతలు అంతమొత్తం ఎందుకు ఇస్తున్నారు?

అక్షయ్ సినిమా అంటే వేగంగా పూర్తవుతుంది, మార్కెట్​లో డిమాండ్​ కూడా బాగానే ఉంది, ఎలాంటి కథలోనైనా సరే ఇమడగలరు అనే కారణాల వల్ల నిర్మాతలు ఆయనతో కలిసి చేయడానికి ఆసక్తి చూపిస్తున్నారట.

బచ్చన్​ పాండే సినిమాలో అక్షయ్, కృతి సనన్

జనవరి నుంచి 'బచ్చన్ పాండే' షూటింగ్

లాక్​డౌన్​ పరిస్థితుల్లోనూ అక్షయ్ 'బెల్ బాటమ్' సినిమా షూటింగ్ ఇటీవల పూర్తయింది. జనవరి నుంచి 'బచ్చన్ పాండే' చిత్రీకరణలో ఆయన పాల్గొనున్నారు. జైసల్మేర్​లో తొలి షెడ్యూల్​ జరగనుంది.

మిగతా సినిమాలు కూడా

దీనితో పాటే 'అతిరంగీ రే', 'సూర్యవంశీ', 'పృథ్వీరాజ్', 'మిషన్ లయన్', 'రామ్​సేతు', 'రక్షాబంధన్' తదితర సినిమాల్లో అక్షయ్ నటించాల్సి ఉంది. వీటిలో కొన్ని చిత్రాలు 2022లో ప్రేక్షకుల ముందుకు రానున్నాయి.

సూర్యవంశీ సినిమాలో అక్షయ్ కుమార్

ఇవీ చదవండి: