సినీ విమర్శకులు తన చిత్రాలు ఎందుకు ఇష్టపడరో అర్థమైందని బాలీవుడ్ హీరో అక్షయ్ కుమార్ అన్నారు. ఆయన నటించిన 'లక్ష్మి' చిత్రం ఈ మధ్యే విడుదలై ప్రేక్షకుల ఆదరణ దక్కించుకుంది. కానీ క్రిటిక్స్ నుంచి మాత్రం మంచి సమీక్షలు రాలేదు. ఈ విషయమై అక్షయ్ స్పందించారు.
"చాలామంది విమర్శకులు నా సినిమాలను ఇష్టపడరని తెలుసు. దాన్ని గొప్పగా భావిస్తున్నాను. వాళ్లకు వైవిధ్యం నచ్చకపోవచ్చు, ఆ విషయాన్ని అర్థం చేసుకున్నాను. కానీ, నా దృష్టంతా ప్రేక్షకులను మెప్పించడమే. నా కెరీర్లో అతిపెద్ద ఓపెనింగ్ తెచ్చిన చిత్రం ఇదేనని అంటున్నారు. ఇందులో లింగమార్పిడి చేసుకున్న నటుడు.. ఎల్జీబీటీక్యూ కమ్యూనిటీ హక్కుల కోసం పోరాడుతూ ఉంటాడు. అలానే ప్యాడ్మ్యాన్ (2018), టాయిలెట్: ఏక్ ప్రేమ్ కథ (2017), మిషన్ మంగళ్ (2019) సినిమాలను చూస్తే అవి కూడా ఓ కొత్త కథతో రూపొంది, బాక్సాఫీస్ వద్ద హిట్గా నిలిచాయి"
- అక్షయ్ కుమార్, బాలీవుడ్ కథానాయకుడు
తెలుగు, తమిళంలో సూపర్హిట్గా నిలిచిన 'కాంచన' చిత్రాన్ని.. దర్శకుడు రాఘవ లారెన్స్ బాలీవుడ్లో 'లక్ష్మి' రీమేక్ చేశారు. ఇందులో అక్షయ్ ప్రధానపాత్రలో నటించారు. కియారా అడ్వాణీ, శరద్ కేల్కర్, ఆయేషా రాజా మిశ్రా తదితరులు నటించారు.
దీపావళి సందర్భంగా నవంబరు 9న డిస్నీ+హాట్స్టార్లో 'లక్ష్మి' విడుదలైంది. ఓటీటీలో వచ్చిన కొన్ని గంటల్లోనే సరికొత్త రికార్డులను సృష్టించినట్లు సదరు ఓటీటీ యాప్ వెల్లడించింది. ఇప్పటివరకు భారీ ఓపెనింగ్స్ లభించిన చిత్రం ఇదేనని ఓ ప్రకటనలో పేర్కొంది.
