బాలీవుడ్ హీరో అక్షయ్ కుమార్ నటిస్తున్న చిత్రం 'లక్ష్మీబాంబ్'. దక్షిణాది హారర్ చిత్రం 'కాంచనన'కు రీమేక్గా తెరకెక్కుతోంది. గురువారం.. ఈ సినిమాలో తన లుక్ను సామాజిక మాధ్యమాల వేదికగా పంచుకున్నాడీ నటుడు. ట్రాన్స్జెండర్ లక్ష్మి అనే పాత్రలో నటిస్తున్నాడు. ఎరుపు చీరలో అమ్మవారి దగ్గర నిల్చున్న అక్షయ్ ఫొటో చిత్రంపై అంచనాల్ని పెంచుతోంది.
కియారా అడ్వాణీ హీరోయిన్గా నటిస్తోంది. మాతృకను రూపొందించిన రాఘవ లారెన్స్ ఈ సినిమాకు దర్శకత్వం వహిస్తున్నాడు. షబీనా ఖాన్, తుషార్ కపూర్ సంయుక్తంగా నిర్మిస్తున్నారు. వచ్చే ఏడాది మే22న ప్రేక్షకుల ముందుకు రానుందీ చిత్రం.
ఇది చదవండి: యూఎస్లో చిరు జోరు.. వన్ మిలియన్ క్లబ్లో 'సైరా'
