'అఖిల్' చిత్రంతో తెరంగేట్రం చేశాడు అక్కినేని యువహీరో అఖిల్. వరుస పరాజయాలతో నిరాశలో ఉన్న హీరో కొత్తగా మరో చిత్రం చేయడానికి సిద్ధమయ్యాడట. ఇప్పటికే పలువురు దర్శకులతో అఖిల్ సినిమా చేస్తున్నాడనే వార్తలు వస్తున్నాయి. చివరకు... 'గీత గోవిందం'తో హిట్ అందుకున్న దర్శకుడు పరశురామ్కు గ్రీన్ సిగ్నల్ ఇచ్చినట్లు తెలుస్తోంది.
ఇప్పటికే కథలో ఓ లైన్ను అఖిల్, నాగార్జునకు వివరించాడట పరశురామ్. పూర్తి స్థాయిలో స్క్రిప్ట్ రాసుకురమ్మన్నారని వార్తలు వినిపించాయి. ప్రస్తుతానికి కథ పూర్తయ్యిందని, త్వరలో షూటింగ్ మెుదలుకానుందని తెలుస్తోంది. హీరోయిన్గా ఎవరు నటిస్తారన్న విషయం తెలియాల్సి ఉంది.
'అఖిల్'తో మాస్ హీరోగా తెరంగేట్రం చేసిన అఖిల్.. ఆ సినిమా పరాజయంతో 'హలో'లో క్లాస్ లుక్లో కనిపించాడు. ఈ చిత్రమూ బోల్తాకొట్టాక లవ్స్టోరీ 'మిస్టర్ మజ్ను'తో ప్రేక్షకుల ముందుకొచ్చాడు. ఇదీ బాక్సాఫీస్ వద్ద ప్రభావం చూపలేకపోయింది. ప్రస్తుతం బొమ్మరిల్లు భాస్కర్ దర్శకత్వంలో ఓ మూవీ చేస్తున్నాడు.
ఇదీ చూడండి: బోల్డ్ పాత్రలో రాశి.. కొత్త చిత్రం షురూ
