Balayya akhanda tamil movie: 50 రోజులకుపైగా తెలుగు రాష్ట్రాల్లో ప్రేక్షకుల్ని అలరించిన బాలయ్య.. ఇప్పుడు తమిళనాడులోనూ సందడి చేసేందుకు సిద్ధమవుతున్నారు. 'అఖండ' తమిళ డబ్బింగ్ వెర్షన్తో దుమ్మురేపేందుకు సిద్ధమవుతున్నారు. జనవరి 28న అంటే ఈ శుక్రవారమే ఈ సినిమా థియేటర్లలోకి రానుంది.
కరోనా ప్రభావం వల్ల కొత్తగా తమిళ సినిమాలేవి థియేటర్లలోకి రావడం లేదు. చాలావరకు వాయిదా పడ్డాయి. ఈ క్రమంలోనే 'అఖండ'ను అక్కడి థియేటర్లలో రిలీజ్ చేయాలని పలువురు డిస్ట్రిబ్యూటర్స్ భావించారు. అందులో భాగంగానే డబ్బింగ్ వెర్షన్ రిలీజ్కు సిద్ధమయ్యారు.
ఇప్పటికే ఈ సినిమా ఓటీటీలోకి కూడా రావడం వల్ల తమిళ అభిమానులు కొందరు సబ్టైటిల్స్తో సినిమాను చూసేస్తున్నారు. ఇప్పుడు థియేటర్లలోకి తీసుకొస్తుండటం వల్ల వెండితెరపై బాలయ్య మేనియాను ఆస్వాదించనున్నారు.
ఇందులో బాలయ్య అఘోరాగా కనిపించి, చేసిన ఫైట్స్ దానికి తోడు తమన్ బ్యాక్గ్రౌండ్ మ్యూజిక్ అయితే నెక్స్ట్ లెవల్. బోయపాటి డైరెక్షన్.. అభిమానులతో అరుపులు పెట్టించింది. ఈ సినిమా దాదాపు 103 కేంద్రాల్లో 50 రోజులకు పైగా ప్రదర్శితమై రూ.200 కోట్లకు పైగా గ్రాస్ వసూలు చేయడం విశేషం.
త్వరలో ఈ సినిమాకు సీక్వెల్ కూడా రానుంది. దీని తర్వాత బాలయ్య-బోయపాటి కాంబోలో మరో సినిమా కూడా రానున్నట్లు వార్తలు వినిపిస్తున్నాయి.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇవీ చదవండి:
- బాలయ్య-బోయపాటి కాంబోలో మరో రెండు సినిమాలు?
- ఓటీటీలోనూ 'అఖండ' హవా.. రికార్డు వ్యూస్తో జోరు
- 50 రోజుల 'అఖండ'.. రూ.200 కోట్ల వసూళ్లు
- బాలయ్య 'అఖండ' 50 డేస్.. విజయానికి కారణాలివే!
- Akhanda movie: బాలయ్య 'అఖండ' అరుదైన ఘనత
- నా ఎనర్జీ సీక్రెట్ అదే.. అందుకే ఇలా: బాలకృష్ణ
- 'అఖండ' తర్వాత మారిన బాలయ్య లెక్క.. రెమ్యూనరేషన్ భారీగా పెంపు!
