Ajith Valimai: తమిళ సూపర్స్టార్ అజిత్ నటించిన 'వలిమై' మేకర్స్పై గుర్రుగా ఉన్నాడట స్టార్ కమెడియన్ యోగి బాబు. అజిత్ ఫ్యాన్స్ ఎంతో ఆసక్తిగా ఎదురుచూసిన ఈ సినిమా ఫిబ్రవరి 24న దేశవ్యాప్తంగా థియేటర్లలో విడుదలైంది. తమిళంలో సూపర్హిట్ అనిపించుకున్న ఈ మూవీ తెలుగు రాష్ట్రాల్లో మిశ్రమ స్పందనను అందుకుంది.
అయితే ఈ సినిమా చూసిన చాలామందికి తెలియని విషయమేమిటంటే ఇందులో ప్రముఖ హాస్యనటుడు యోగి బాబు కూడా ఓ పాత్ర చేశాడని. కాకపోతే ఆయన సన్నివేశాలన్నింటినీ తొలగించారు. ఇప్పుడు ఇదే విషయమై యోగి బాబు తీవ్ర అసంతృప్తితో ఉన్నాడని సమాచారం. 'వలిమై' డైరెక్టర్, హీరో అజిత్ దగ్గర తన అసహనాన్ని వెలిబుచ్చాడని తమిళ సినీ వర్గాలు చెబుతున్నాయి.
ప్రస్తుత తరంలో స్టార్ కమెడియన్గా వెలుగొందుతున్నాడు యోగి బాబు. సినిమాలకు క్రేజ్ తీసుకొచ్చేందుకే అతడిని ఎంపిక చేసుకుంటున్నారు మేకర్స్. అలాంటిది తన సన్నివేశాలనే తొలగించడం యోగి బాబుకు రుచించడం లేదని వినికిడి.
ఇదీ చూడండి: థియేటర్లో 'వలిమై' సినిమా.. బయట బాంబు పేలుడు
